Әлем • 11 Сәуір, 2021

Филипп ханзадамен қоштасу рәсіміне өзгеріс енгізілді

157 рет
көрсетілді
1 мин
оқу үшін

Ұлыбритания және Солтүстік Ирландия Құрама Корольдігінде бос патронмен қарулардан оқ атылып, 9 сәуір күні қайтыс болған Эдинбург герцогы Филиппке құрмет көрсетілді, деп хабарлайды Egemen.kz ҚазАқпаратқа сілтеме жасап.

Филипп ханзадамен қоштасу рәсіміне өзгеріс енгізілді

Лондон, Эдинбург, Кардифф және басқа да қалаларда, әскери базалар мен кемелерде зеңбіректерден минутына бос патронмен бір оқтан атылды. Екінші дүниежүзілік соғыс жылдары ІІ Елизаветаның болашақ күйеуі британдық әскери-теңіз флотында қызмет еткен болатын.

Коронавирус пандемиясына байланысты топтасып жиналудан бас тарту туралы ел билігінің және патшалық отбасының үндеуіне қарамастан, тұрғындар сенбі күні Букингем мен Винздор сарайлары маңына гүл шоқтарын әкеліп жатты.

Сенбіде Эндрю және Эдвард ханзадалар Винздор сарайында анасы ІІ Елизаветаға жолықты. Жұма күні монархқа тақ мұрагері Чарльз кірген еді. Виндзордағы патшалық резиденциясына жергілікті халық та келіп жатыр.

Өзінің жүз жылдығына екі ай, бір күні жетпей қайтыс болған Ханзада Филипптің өліміне орай Ұлыбританияда қаралы күн жарияланды. Геральдикалық палатадан мәлім еткендей, жерлеу рәсімі Әулие Георгий шіркеуінде 17 сәуірде өтеді.

Оған дейін Ханзаданың денесі Лондон маңындағы Виндзор сарайында қалады. Коронавирус пандемиясына байланысты қоштасу рәсіміне өзгеріс енгізіледі.

Еске сала кетейік, 9 сәуір күні ІІ Елизавета патшайымның жолдасы Ханзада Филипп 99 жасында қайтыс болды. Қазаға орай Қазақстанның Тұңғыш Президенті – Елбасы Нұрсұлтан Назарбаев пен Қазақстан Президенті Қасым-Жомарт Тоқаев көңіл айту жеделхатын жолдады.

Соңғы жаңалықтар

Су үнемдейтін қондырғы

Технология • Кеше