Мәжіліс депутаты Жанат Омарбекова атап өткендей, аталған құжат мүмкіндігі шектеулі адамдардың еш кедергісіз білім алуына мүмкіндік береді. Оның айтуынша, қазір елімізде ерекше білім беру қажеттіліктері бар 162 мыңнан астам бала бар.
Заң жобасы психологиялық-педагогикалық қолдау қызметін қалыптастыру, ерекше білім беру қажеттіліктері бар балаларды психологиялық-педагогикалық қолдау бойынша арнайы жағдайлар жасауды регламенттеу бойынша түзетулерді қамтиды. Білім алушының даму ерекшеліктеріне байланысты оқу бағдарламаларының вариативтілігін, икемділігін қамтамасыз ететін нормалар енгізіледі.
«Заң жобасында білім беру ұйымы басшысының ерекше білім беру қажеттіліктері бар балалар үшін заңнамада көзделген арнайы шарттарды жасамағаны үшін жауапкершілігі белгіленеді», деп атап өтті комитетте.
