Арыздың көбі банк секторына тиесілі

– Берешекті қайта құрылымдау және қайта қаржыландыру банк сек­торындағы өзекті мәселе болып қала береді. Бұл бағыт­та ипотекалық қарыз­­дарды қай­та қар­­жы­лан­дыру бағ­дар­ла­масы шең­берін­­де ипо­текалық қа­рыз­­дарды қайта қар­жыландыру да қара­латынын атап өткен жөн. Сонымен қатар азаматтар қаржы ұйымдарының басқа банктердегі шоттарда тұрған ақшаны акцеп­теусіз тәртіппен өндіріп алуына қатыс­ты жүгінуде. Бұдан басқа, бірқатар тұтыну­шы банк секторы бойынша нормативтік құқықтық акті­лердің нормаларын түсіндіруге немесе банк­тік қарыз шартының талаптарын Қазақ­стан заңнамасының талаптарына сәйкес­тігі тұрғысынан тексеруге өтініш беруде, – дейді Қаржы­лық қызметтерді тұты­ну­­шылардың құқықтарын қорғау депар­та­ментінің директоры Александр Терентьев.

Оның айтуынша, сақтандыру тө­ле­мін жүзеге асырмау да сақтандыру сек­­торын­дағы ең сұранысқа ие мәселе болып отыр. Бұл ретте осы сектордағы өті­ніш­­тердің пайызы ең төмен екенін де айта кету керек. Бұдан басқа, сақтан­дыру шарты талаптарының Қазақстан заңна­­масының талаптарына сәйкес болуын тексеру туралы бірнеше өтініш келіп түскен.

– Коллекторлық агенттіктерге келсек, ең жиі көтерілетін мәселе – қыз­­мет­керлер іс-әрекеттерінің заңсыз­­дығы. Қаржылық қызметтерді тұтыну­шы­лардың барлық өтініштері бойын­ша құжаттамалық тексерулер жүргі­зілді, өтініш берушілерге ресми жауап­тар берілді. Қазір карантин режімі­не байланысты қауіпсіздікті қамтама­сыз ету және COVID-19-дың таралуы­на жол бермеу мақсатында қаржы­лық қызметтерді тұтыну­шылардың құқық­тарын қорғау депар­таменті аудио­кон­ференция байланысы арқылы әр сейсенбі және жұма күндері сағат 10.00-ден 13.00-ге дейін азаматтарды қа­был­дайды, – деп атап өтті А.Терентьев.

Қабылдауға жазылу үшін қаржы ұйымы­ның толық атауы, өтініштің қысқаша сипаты және міндетті түрде «қабылдауға жазылу» тақырыбын көр­сетіп Yermek.Utemisov@finreg.kz электронды поштасына өтініш жолдау қажет.

I тоқсанның қорытындысы бойын­­ша жалпы сомасы 6,94 млн теңге­ні құ­­­райтын 28 әкімшілік жаза қол­да­нылған. Агенттік қаржылық қызмет­тер­ді тұ­тыну­шылардың құқық­тарын қорғау және қаржы секторын­дағы жү­йелі бұзу­шы­лықтарды жою бо­йынша жүйелі жұмыстарды жалғастырады.