Медицина • 23 Сәуір, 2021

Репродуктивтілік мәселесімен жүгінгендердің жартысы жастар

11 рет көрсетілді

Жастар арасында репродуктивті денсаулық мәселелері бойынша жүгінгендердің 53%-ын 13 жастан 16 жасқа дейінгі жасөспірімдер құрайды. Бұл туралы JANYM қоғам­дық бірлестігінің атқарушы директоры Наталья Клюжина «Жас­­тар ара­сында репродуктивті денсаулықты сақтау мәселелері бойынша кон­­суль­­тация­лық қыз­мет­тер көрсету» жобасына арналған баспасөз-кон­ферен­циясы ба­ры­сында айтты.

«Репродуктивті денсаулық мәсе­ле­лері бойынша жобаны іске асыру бас­талғаннан бері кеңес беруге арналған  8 800 004 05 40 бірыңғай телефон жедел желісі жұмысын бастады», деді Н.Клюжина.

Жоба іске қосылғаннан бері 134 адам көмек сұраған, оның 57-сі жедел желі телефоны бойынша және 77 адам қоғамдық бірлестік сайты арқылы жүгінген. Хабарласқандардың 53%-ы – 13-тен 16 жасқа дейінгі жасөспірімдер мен 36%-ы – 17-ден 22 жасқа дейінгі жас­тар. Іс-шараға Ақпарат және қоғамдық даму министрлігі Жастар және отбасы істері комитетінің төрағасы Шахмардан Байманов қатысты.

«Репродуктивті денсаулық тақырыбы бойынша жастарды хабардар ету ма­ңызды. Осы мәселеге байланысты Ақпа­рат және қоғамдық даму министрлігі мен Жастар және отбасы істері комитеті осындай сұраныспен грант бөлуге бас­тама көтерді. Біз бұл жобаны жүзеге асыруға көмектесеміз. Себебі алда­ғы мақ­саттардың маңыздылығын түсі­не­міз», деді Ш.Байманов.

Баспасөз конференциясы барысында өңірлерде және республикалық маңызы бар қалаларда жас аналар мен жүкті әйелдерге емшек сүтінің маңыздылығы мен бірегейлігі, босанғаннан кейін қалпына келтіру дағдыларына үйре­ту мәселелері бойынша марафон жос­пар­ланғаны белгілі болды. Сондай-ақ ре­про­дуктивті денсаулық мәселелері бо­йынша мамандарды тарту жұмыстары басталды. Мысалы, 16 сәуірде 20 мектепте 9-11 сыныптардың 100 оқушысына және екі колледж студенттері үшін жоба сарап­шысы, медицина ғылымдарының кан­дидаты, акушер-гинеколог Жанерке Ажетова алғашқы онлайн сабақ өткізді.

Жоба Азаматтық бастамаларды қол­дау орталығының қолдауымен жүзеге асы­рылуда.

 

 

 

Соңғы жаңалықтар

Ақыретке дейінгі адалдық

Өнер • Бүгін, 10:23

Ұқсас жаңалықтар