Спорт • 23 Сәуір, 2021

Ескекшілер Азия чемпионатына даярлануда

320 рет
көрсетілді
1 мин
оқу үшін

5-7 мамыр аралығында Тайландтың Паттайя қаласында байдарка және каноэ есуден Азия чемпионатының жалауы желбірейді, деп хабарлайды Egemen.kz.

Ескекшілер Азия чемпионатына даярлануда

Айтулы жарыс барысында Олимпия ойындарының жолдамалары сарапқа салынады. Яғни Токиоға баратындар тізіміне қосылуды мақсат тұтқан бас спортшылар Тай елінде бас жүлдені олжалауға тиіс. Ал осы біріншілікте Қазақстанның туы астында мына ескешілер өнер көрсетеді: Кирилл Тубаев (1000 метр, байдарка-бірлік), Сергей Токарницкий (2000 метр, байдарка-бірлік), Илья Голендов пен Андрей Ергучев  (1000 метр, байдарка-екілік), Алтынбек Кожахмет (1000 метр, каноэ-бірлік), Сергей Емельянов пен Тимофей Емельянов (1000 метр, каноэ-екілік), Наталья Сергеева (500 метр, байдарка-бірлік), Инна Клинова (200 метр, байдарка-бірлік), Ольга Сурмина (200 метр, каноэ-бірлік), Маргарита Торлопова мен Светлана Усова (200 метр, каноэ-екілік).