Руханият • 27 Сәуір, 2021

Батырдан қалған мұра

84 рет көрсетілді

Қызылорда тарихи-өлкетану музейінің Ақмешіт филиалы қолға алған «Киелі мұра» жобасы шеңберінде тағы бір құнды жәдігер ел игілігіне айналғалы тұр. Облыс­тық музей мен «Qyzylorda» телеарнасы бірлесіп жүргізген зерттеу барысын­да Сыр бойындағы белгілі батырлардың бірі – Бұқарбай Естек­бай­ұлының қылышы мен мөрі, шашақты туы туралы хабар эфирге әзірленді.

Бұқарбай Естекбайұлы 1812 жылы Жалағаш өңірінде дүниеге келген. Ел үшін ат арқасынан түспеген батыр қазақтың соңғы ханы Кенесарының қасына ерген серіктерінің бірі ретінде де белгілі. Жұртын жауға талатпаған Бұқарбай кейіннен елді арық қаздыруға жұмылдырып, айналасындағы ағайын­ды егіншілікке баулыған.

Батырдың ерліктері сол кезеңді сурет­тейтін жырларда, тарихшы Ермұ­қан Бекмахановтың зерттеу­лерінде, жазушы Ілияс Есенберлиннің «Қаһар» романында баяндалады.

– Ел ішінде бұрынғы батыр-билерден қалған жәдігерлер әлі де көп. Біздің міндет – осы құндылықтар жайлы дерек жинап, оны көптің игілігіне айналдыру. Алда батырдың қылышы, туы мен мөрінің көшірмесін жасатып, музейге қоюды жоспарлап отырмыз, – дейді облыстық тарихи-өлкетану музейі Ақмешіт филиалының меңгерушісі Кенже Ахметова.

1

 Бұл дүниелер батыр атын иеленген ауылдағы Жалағаш аудандық тарихи-өлкетану музейінің филиалы саналатын тарихи үйде сақталып тұр. Қылышқа сараптама жасаған мамандар былғары қында сақталғандықтан, қару бүгінге баяғы қалпында жетіп отырғанын айтады.

Тарихи үйге батырдың қылышын, найзасына ілінген шашақты туы мен күмістен жасалған мөрін ұрпақтары тапсырыпты.

 

ҚЫЗЫЛОРДА

 

Соңғы жаңалықтар

Бір облыс «қызыл» аймақта тұр

Коронавирус • Бүгін, 09:32

Қазақстанда қанша адам вакцина алды

Коронавирус • Бүгін, 09:10

Бүгін – Тұңғыш Президент күні

Қазақстан • Бүгін, 09:04

Ұлы дала мұралары

Елорда • Бүгін, 08:55

Үздіктер қатарынан көрінді

Спорт • Бүгін, 08:52

Екі жүлде – «егемендіктерде»

Егемен Қазақстан • Бүгін, 08:50

Тбилисиде топ жарды

Спорт • Бүгін, 08:48

Кардинг шабуылы

Қоғам • Бүгін, 08:45

Қаламгерге арналған конференция

Қазақстан • Бүгін, 08:34

Азаттық туын асқақтатқан

Қазақстан • Кеше

Елін сүйген Елбасы

Елбасы • Кеше

Ұқсас жаңалықтар