Оқиға • 28 Сәуір, 2021

Қарулардың көнесі Алтай мен Риддерде

30 рет көрсетілді

Қарулардың көнесі Риддер мен Алтайда екен ғой. Халықтан қа­ру сатып алу акциясы кезінде құқық қорғаушыларға 1889 жылғы тегіс ұң­ғылы мылтық және 1900 жылы шыға­рыл­ған тапанша тап­сы­рылған.

ХІХ ғасырда қол­да­ныл­ған мылтықты поли­цияға Риддер қаласының тұрғыны алып келген. Сот-баллистикалық сараптама нәтижесі көрсеткендей, бұл қару Тула қару-жарақ зауытында шығарылыпты. Шебер Н.Кураковтың 1889 жылы жасаған қос ұңғылы, шүріппелі қаруы – аңшы мылтығы екен. Бір қызығы, 130 жыл болған мылтық екі ұңғыдан да атуға жарамды.

Қаруды тапсырған ер адамның айтуынша, сирек кездесетін мылтықты марқұм анасының қойма­сындағы ескі заттарды жи­­настырып жүріп тауып алған. Криминалистер айт­­қандай, ғасыр өтсе де мылтық бәз-баяғы қал­пын­да. Бұл құнды қару үшін рид­дерлік тұрғынға комиссия құрамы 60 мың теңгеден астам қаржы төлейді.

1

Ал Алтай ауданының тұрғыны полицияға Екінші дүниежүзілік соғысы ке­зінде пай­да­ланылған тапаншаны тап­сырған. Мага­зинінде үш патроны да бар. Сараптама жұмыстары көр­сеткендей, бұл қару 1900 жылы жа­салған. 7,65 мм ка­либрлі, за­уыттық нөмірі «166710», яғни «Браунинг» жүйесіне жататын ойық атыс қару. Бір ерекшелігі, өздігінен оқталады. Бұл қару да атуға жарамды.

Айта кетсек, тапанша Екінші дүниежүзілік соғысы ке­зінде АҚШ пен Бельгия армия­сы­ның қолында болған екен. Аудан тұрғыны оны ар­­дагер атасының жер­тө­лесінен тапқан.

– Халықтан заңсыз сақ­талған атыс қаруы мен оқ-дәрілерді сатып алу жө­ніндегі комиссия құрамы ер адамға қару үшін

120 000 теңгеден астам қа­ра­­жат төлейді. Осы­лай­ша, үш күн ішінде тіркел­меген қару мен оқ-дәрілерді ерік­ті түрде тапсыру акциясы кезінде халықтан 7 млн тең­­геге 110 бірлік қару қа­был­данды, – деді Поли­ция департаментінің бастығы Сағат Мадиев.

Естеріңізге сала кетсек, 20 сәуірден бастап облыс аумағында халықтан атыс қаруларын, оқ-дәрілерді және жарылғыш заттарды сатып алу бойынша рес­пуб­ликалық акция өтіп жа­тыр.

 

Шығыс Қазақстан облысы

 

Соңғы жаңалықтар

Жоспарын жоққа шығарды

Кәсіпқой бокс • Кеше

Үздік ондықта Головкин жоқ

Кәсіпқой бокс • Кеше

Жекпе-жексіз өткен алғашқы жыл

Кәсіпқой бокс • Кеше

«Динамодан» жеңілді

Хоккей • Кеше

Креативті кітап дүкені

Аймақтар • Кеше

Жанбота жарап тұр

Спорт • Кеше

Ақын тұтынған кесе

Тарих • Кеше

Ұқсас жаңалықтар