Руханият • 30 Сәуір, 2021

Волонтерлер мүгедек жандардың ауласын тазартты

35 рет көрсетілді

Қоршаған ортаның тазалығы – тұрғындар мәдениетінің көрсеткіші. Ал бір аумақтағы тұрғындар түгелімен мүмкіндігі шектеулі жандар болса ше?.. Онда оларға сөзсіз көмек керек. Елордалық еріктілер көпке үлгі болып, азаматтық танытып, «ДОС» «Тәуелсіз өмір» орталығы мүгедектерінің қоғамдық бірлестігі аумағын тазартты.

Ел егемендігінің 30 жылдық мерейтойына орай елордада қала өміріне белсене атсалысып, тұрғындарға қол­дау көрсету мақсатында «30 ИГІ ІС» әлеуметтік және қайырымдылық іс-шаралары өтіп жатыр. Осы «30 ИГІ ІС» қайырымдылық акциясы аясында Нұр-Сұлтан қаласы әкімдігі «Астана жастары» ұйымы мен астаналық волонтерлер «ДОС» «Тәуелсіз өмір» орталығы мүгедектерінің қоғамдық бірлестігі аума­ғында тазалық жұмыстарын жүргізді.

«Астана жастары» жастар ресурстық орталығы Ұйымдастыру бөлімінің басшысы Арайлым Сапаралы: «Бұл қайырымдылық іс-шара Қазақстан тәуелсіздігінің 30 жылдығына арналған қайырымды істер марафоны аясында іске асырылып жатыр. Волонтерлер осылай мүмкіндігі шектеулі адамдардың ауласын қоқыстардан тазартып, онда көшет отырғызып, бұрыннан өсіп тұрған ағаштардың топырағын қопсытып, түбін әктеп, жалпы абаттандыру, көгалдандыру жұмыстарын жүргізді. Осы жұмысқа 15-ке жуық волонтер белсене қатысты. Алдағы уақытта қайырымдылық жұмыс жалғасын табады», деді.

Бір жарым жылдан бері азаматтық іспен айналысып жүрген волонтер Амангелді Олжас өз идеяласымен бірге біршама игі іс-шараның басы-қасында болғанын айтты.

«Университеттегі оқуымды бітірген соң жұмысқа орналастым. Содан кейін бос уақыт пайда бола бастады. Мен сол уақытымды жақсы іске жұмсауды жөн көрдім. Міне, сол бір жарым жылдан бері волонтерлікпен айналысып жүрмін. Осы қысқа ғана уақыт­та ортақ мақсатты азаматтармен бірге қаланы көркейтуге, тұрғындарға көмек көрсетуге бағытталған көптеген қайырымдылық жұмысқа қатыстық. Осы жолы да тәуелсіздіктің құрдастары ретінде егемендіктің мерейтойына орай ұйымдастырылған қайырымды іске жұмылдық. Өздеріңіз білетіндей, қыстан кейін қала қатты ластанады. Айналаны күл-қоқыстан, қар астында 3-4 ай бойы көрінбей жатқан қалдықтардан тазарту қажет. Өз қаламыздың тазалығына өзі­міз жауап беруге тиіспіз. Бірақ мұн­дай мүмкіндіктен ада адамдар, яғни физи­калық жұмысқа жарамайтын жандар да бар. Оларға әлбетте көмек керек. Біз кө­мек көрсеттік», деді волонтер А.Олжас.

Айта кетелік, қаланы көгалдандыруға, абаттандыруға белсене атсалысып, қаланың экологиялық дамуына үлес қосқан ұйым қызметкерлері мен волонтерлер іс-шара барысында сани­тарлық нормаларды сақтады. Барлық қатысушы бетпердемен және қолғаппен қамтамасыз етілді.

Соңғы жаңалықтар

Бір облыс «қызыл» аймақта тұр

Коронавирус • Бүгін, 09:32

Қазақстанда қанша адам вакцина алды

Коронавирус • Бүгін, 09:10

Бүгін – Тұңғыш Президент күні

Қазақстан • Бүгін, 09:04

Ұлы дала мұралары

Елорда • Бүгін, 08:55

Үздіктер қатарынан көрінді

Спорт • Бүгін, 08:52

Екі жүлде – «егемендіктерде»

Егемен Қазақстан • Бүгін, 08:50

Тбилисиде топ жарды

Спорт • Бүгін, 08:48

Кардинг шабуылы

Қоғам • Бүгін, 08:45

Қаламгерге арналған конференция

Қазақстан • Бүгін, 08:34

Азаттық туын асқақтатқан

Қазақстан • Кеше

Елін сүйген Елбасы

Елбасы • Кеше

Ұқсас жаңалықтар