Білім • 03 Мамыр, 2021

5 мың ауыл оқушысы еліміздің жетекші мектептерінде білім алу құқығына таласады

26 рет көрсетілді

Қазақстанның ауыл мектептерінде білім алатын дарынды 5 мың оқушының есімдері жарияланды. Олар еліміздің жетекші мектептерінде және Елбасы Академиясының Вirge oqý онлайн мектебінде тегін оқу мүмкіндігі үшін таласады.

«Мың бала» олимпиадасының нәти­жесінде Нұрсұлтан Назарбаев қоры екінші жыл қатарынан ауыл мек­тептеріндегі ең қабілетті 5 және 6 сынып оқушыларын анықтап келеді. Олимпиада жеңімпаздары еліміздің дарынды балаларға арналған жетекші мектептерінде: Республикалық физика-математика мектебінде, «Білім-Инновация» лицейлерінде, «Дарын» мамандандырылған мектептерінде және Елбасы Академиясының Вirge oqý онлайн мектебінде оқуға мүмкіндік алады.

«Елімізде алғаш рет ауыл мектептері үшін олимпиада онлайн форматта ұйымдастырылды. Тестілеу арнайы әзір­ленген платформада өтті. Біз еліміз­дің көптеген ауылдарын қам­тыдық, тестілеуге 100 мыңға жуық оқушы қатысты. Тест­тер кеңістіктік және логи­калық ойлау қабілеттерін бағалауға бағыт­талған. Олим­пиаданың 5 мың фи­налисі арасында еліміз бойынша орташа балл 400 балдың 343-ін құрады. Бұл ауыл оқушыларының ғылым, тіл және математиканы оқып-үйрену үшін жеткілікті әлеуеті бар екенін көрсетеді», деді «Елбасы академиясы» корпоративтік қорының басқарушы директоры Әнуар Жанғозин.

«Нұрсұлтан Назарбаев қоры ауыл жастарының дамуына ерекше көңіл бөледі және барлық жағдайды жасап келеді. Мысалы, 2020 жылы біздің мектептің бір ғана қатысушысы финалға өтіп, Birge oqý онлайн мектебінде оқуға мүмкіндік алды. Биыл осындай 7 бала бар. Олардың барлығы Назарбаев зияткерлік мектептері мен Респуб­ликалық физика-математика мектебінің оқытушыларынан қосым­ша білім ала алады. Біз өте қуаныштымыз», деді Үшқоңыр орта мектеп-гимназиясының директоры Гүлхан Аманжолова.

Олимпиада финалисі, 6-сынып оқушысы Арнұр Мұқашев олимпиада туралы мұғалімнен білген соң, қаты­суға шешім қабылдағанын, мектепте жақсы оқитынын және болашақта үлкен жетістіктерге жеткісі келетінін жеткізді.

Еске салайық, олимпиада екі кезеңнен тұрады. I кезең 2-10 сәуір аралығында онлайн форматта өтті. Өңірлер бойынша ең жоғары қорытынды балл жинаған 5 мың оқушы олимпиаданың II кезеңіне өтеді. II кезеңді 2021 жылғы 5 мамырда барлық санитариялық-эпидемиологиялық талаптарды сақтай отырып, өңірлік тесті­леу орталықтары базасында офлайн ре­жімде ұйымдастыру жоспарланып отыр. Финалистер математикалық сауат­тылық, қазақ тілінде білім алатын оқу­шы­­­ларға қазақ тілі, орыс тілінде білім ала­­тын оқушыларға орыс тілі, ағылшын тілі және жаратылыс­тану ғылымдары бойынша ака­демия­лық білімдерін бағалау үшін ком­пью­тер­лік тестілеуден өтеді.

Соңғы жаңалықтар

Жоспарын жоққа шығарды

Кәсіпқой бокс • Кеше

Үздік ондықта Головкин жоқ

Кәсіпқой бокс • Кеше

Жекпе-жексіз өткен алғашқы жыл

Кәсіпқой бокс • Кеше

«Динамодан» жеңілді

Хоккей • Кеше

Креативті кітап дүкені

Аймақтар • Кеше

Жанбота жарап тұр

Спорт • Кеше

Ақын тұтынған кесе

Тарих • Кеше

Ұқсас жаңалықтар