Қоғам • 04 Мамыр, 2021

Жетім балаларды өзіміз асырайық

171 рет көрсетілді

Күні өткен кеңес заманындағы коммунистік идеологияның салдарынан жетімін жылатпаған, жесірін қаңғыртпаған ата дәстүрімізден айырылып, осы ұлттық құндылығымызды тәуелсіздік жылдарында да толық түгендей алмағанымыз анық. Соның салдарынан бесіктен белі шықпай жатып, «тастанды» атанған талай бейкүнә сәби заңды-заңсыз саудаға салынып, ұлтымызға ұят келтіріп тұрғандығы белгілі. Осы жөнінде «Egemen Qazaqstan» газетінде «Сәби саудасы қашан тоқтайды?» (2021 жылғы 23 сәуір) деген тақырыппен жарияланған сыни мақала оқырман қауымды бейжай қалдырмаған сияқты.

Қазақстандағы үлкен проблема  бейкүнә жас қазақ балаларын шетелдерге – Америкаға, Еуропаға, Израиль­ге беріп жатқанымыз. Шын мәнінде, бай америкалықтар біздің балаларымызды тірі ойыншық ретінде алуда. Өздері туып, қиналмай, нәрестені бағып-күтпей, даяр балаларды бізден сатып алады. Өйткені шетелде бала­лар­ға беретін жәрдемақы өте жоғары, сондықтан 2-3 бала асырап алса, соның ақшасына тәтті өмір сүруге болады. Америкалықтар Қазақстаннан алған балалардың қан­ша­сын көшеге тастап кетті және өл­тір­ді?

Біз бай елміз деп мақтанамыз, Ауған­стан, Тәжікстан, Қырғызстанға көмек береміз. Жақсы. Ал өз жетім балаларымызды асырай алмаймыз, қар­жы жоқ деп шетелге мыңдап жібе­ріп жатырмыз. Бұған қоса рес­пуб­ликада халық аз дейміз де, шетел­де жүрген қазақтарға азаматтық бер­мейміз. Жұмыс қолы керек деп, сырт­тан жат миг­рант­тарды шақы­ра­мыз. Бұл – үлкен қа­телік.

Қазіргі талқыланып жатқан заң жобасының орнына, шетелге қазақ балаларын жібермеу туралы Ресей, Өзбекстан, Қырғызстан және басқа елдер секілді заң қабылдау керек. Пар­ла­мент депутаттары, патриот екен­де­ріңізді көрсетіңіздер. Керек болса, бәріміз бір-бір баладан асырап алайық.

 

Сайлау БАТЫРШАҰЛЫ,

дипломат, профессор

 

Соңғы жаңалықтар

Бір облыс «қызыл» аймақта тұр

Коронавирус • Бүгін, 09:32

Қазақстанда қанша адам вакцина алды

Коронавирус • Бүгін, 09:10

Бүгін – Тұңғыш Президент күні

Қазақстан • Бүгін, 09:04

Ұлы дала мұралары

Елорда • Бүгін, 08:55

Үздіктер қатарынан көрінді

Спорт • Бүгін, 08:52

Екі жүлде – «егемендіктерде»

Егемен Қазақстан • Бүгін, 08:50

Тбилисиде топ жарды

Спорт • Бүгін, 08:48

Кардинг шабуылы

Қоғам • Бүгін, 08:45

Қаламгерге арналған конференция

Қазақстан • Бүгін, 08:34

Азаттық туын асқақтатқан

Қазақстан • Кеше

Елін сүйген Елбасы

Елбасы • Кеше

Ұқсас жаңалықтар