Аймақтар • 04 Мамыр, 2021

COVID-19 вакцинасын алғандар онлайн режимінен кеңселерге орала алады

17 рет көрсетілді

Бұл туралы еліміздің бас санитарлық дәрігерінің 30 сәуірде жарияланған қаулысында айтылған. Бүгін өңірлік коммуникациялар қызметінің онлайн-брифингінде Алматы қаласы Санитарлық-эпидемиологиялық бақылау департаменті басшысының орынбасары Әсел Қалықова аталған шараны түсіндірді, деп хабарлайды Egemen.kz

Қаулыда көрсетілгендей, әлеуметтік-экономикалық нысандардың жұмысын шектеу талаптарына сәйкес, «қызыл» аймақта 80%-ы қашықтан істеу режиміне, 20%-ы күндізгі режимге ауыстырылуы тиіс. «Сары» аймақта: 50% – қашықтан істеу режиміне, 50% - күндізгі режимге көшуі тиіс. «Жасыл» аймақта: 30% – қашықтықтан істеу режиміне, 70% - күндізгі режимге ауысады.

Ескертпеде ұйымдар, кеңселер қызметкерлерге COVID-19-ға қарсы вакцинация жүргізген жағдайда қашықтан және тікелей жұмыс орнына бару форматтарында жұмыс істейтін қызметкерлердің пайыздық арақатынасы жөніндегі талаптарды ескерместен қызметін жүзеге асыратыны түсіндіріледі. Бұл ретте соңғы 6 ай ішінде COVID-19-ға қарсы вакцинацияның толық курсын алған және COVID-19-бен ауырып, жазылған барлық қызметкерлердің күндізгі режимде жұмыс істеуіне жол беріледі. Осылайша, вакцинацияның толық курсын алған азаматтар өздерінің тұратын жерлерінің қай аймақта екеніне қарамастан күндізгі режимде жұмыс істеуге жіберіледі.

«Әрбір жұмыс беруші оның кәсіпорны толығымен жұмыс істеуі үшін өз ұжымын вакцинациялауға қызығушылық танытады. Шынында да вакцинацияланбаған қызметкерлер қашықтан істеуге кетеді. Егер біз осы инфекцияны жеңгіміз келсе, қалыпты өмірге оралып, коронавирусты жеңе алатын иммундық қабат құрғымыз келсе, онда әркім уақтылы егілуі керек. Менің ойымша, бәрі екпе алу шешім қабылдайды және осы процесті одан ары кешіктірмейді. Егер адам вакцинаның бірінші компонентін алса, онда ол міндетті түрде екінші компоненттен өтуі керектігі туралы хабардар етіледі», деді Ә.Қалықова.

Сондай-ақ, ол жұмыс берушілер өз ұжымдарында екпе салдырудың өте маңызды екенін түсіндірулері тиіс деп атап өтті.

Соңғы жаңалықтар

Шаппа шот пен «құйрықты» пышақ

Аймақтар • Бүгін, 08:32

Жаңаөзендегі жылыжай

Аймақтар • Бүгін, 08:30

Той тойлау тоқтамай тұр

Коронавирус • Бүгін, 08:24

Тауар айналымында өсім бар

Экономика • Бүгін, 08:12

Құбыжық мүсін

Өнер • Кеше

Кабулдан басталған көш қазақ еліне қалай келді?

Тәуелсіздіктің 30 жылдығы • Кеше

Індет өршіп барады

Коронавирус • Кеше

Алтынмен пара-пар тәуекел

Экономика • Кеше

Көкпар тартқан қыз

Таным • Кеше

Ұқсас жаңалықтар