Оқиға 3 сәуірде болған. 17 және 25 жастағы қала тұрғындары білек және жамбас тұсындағы жарақатпен аурухананың қабылдау бөліміне жеткізілген. Тергеу барысында қыздардың Маясова көшесінде жарақаттанғаны анықталды. Оларға алғашқы медициналық көмек көрсетілді.
Полиция оқ атқан күдікті ретінде 15 жастағы жасөспірімді анықтаған. Оның үйінен әкесіне тиесілі пневматикалық мылтық тәркіленген.
Қазіргі уақытта ҚР ҚК-нің 107-бабы «Денсаулыққа қасақана орташа зиян келтіру» бойынша сотқа дейінгі тергеу жүргізіліп жатыр.
