Оқиға • 04 Мамыр, 2021

Арқалықта қыздарға оқ атқан жасөспірім ұсталды

350 рет
көрсетілді
1 мин
оқу үшін

Қостанай облысында пневматикалық мылтықтан екі қыз жарақат алды. Полицейлер оқ атқан күдіктіні анықтады, ол 15 жастағы жасөспірім болып шықты, деп хабарлайды Egemen.kz Аlau.kz сайтына сілтеме жасап.

Арқалықта қыздарға оқ атқан жасөспірім ұсталды

Оқиға 3 сәуірде болған. 17 және 25 жастағы қала тұрғындары білек және жамбас тұсындағы жарақатпен аурухананың қабылдау бөліміне жеткізілген. Тергеу барысында қыздардың Маясова көшесінде жарақаттанғаны анықталды.  Оларға алғашқы медициналық көмек көрсетілді. 

Полиция оқ атқан күдікті ретінде 15 жастағы жасөспірімді анықтаған. Оның үйінен әкесіне тиесілі пневматикалық мылтық тәркіленген.

Қазіргі уақытта ҚР ҚК-нің 107-бабы «Денсаулыққа қасақана орташа зиян келтіру» бойынша сотқа дейінгі тергеу жүргізіліп жатыр.