Атырау облысы полиция департаментінің Есірткі қылмысына қарсы іс-қимыл басқармасының қызметкерлері жедел-іздестіру шаралары кезінде Атырау қаласының аумағында синтетикалық есірткілермен бетбелгілерді орнатумен айналысқан 1992 жылғы ер адамды ұстады.
«Тінту іс-шараларын жүргізу кезінде 100 грамнан астам дайын есірткі тәркіленді. Бұл бес миллион теңге сомасына, 3500-ден астам бір реттік дозаға тең келеді. Ұсталған адамның айтуынша, тәркіленген есірткіні оған басқа қаладан жеткізген», дейді Атырау облысы полиция департаментінің басшысы Қамза Үмбетқалиев.
Аталған факт бойынша ҚР ҚК 296-бабы 4-бөлігіне сәйкес соталды тергеу басталды. Айта кетейік, бұл бапта үш жылдан жеті жылға дейін бас бостандығынан айыру жазасы қарастырылған.
