Бублик Карцевті қапы қалдырды

1/8 финалда жерлесіміз әлемнің 27 ракеткасы, ресейлік Аслан Карцевпен кездесті. 1 сағат 15 минутке созылған бәсеке 6:4, 6:3 есебімен біздің жігіттің пайдасына шешілді. Енді ширек финалда ол норвегиялық Каспер Рууд және грекиялық Стефанос Циципас арасындағы кездесудің жеңімпазымен күш сынасады.  

Естеріңізге сала кетейік, Пирней түбегіндегі АТР турнирінің алғашқы айналымдарында Александр Бублик мажарстандық Мартон Фучович пен канадалық Денис Шаповаловты ұтқан еді.