Аймақтар • 10 Мамыр, 2021

Атырау тұрғыны Жайыққа батқан баланы құтқарды

441 рет
көрсетілді
1 мин
оқу үшін

Атыраудың тұрғыны Жайыққа батқан 8 жасар баланы құтқарып қалды.
Оқыс оқиға кеше, 9 мамырда болған. Сағат 15:16-да Ракуша елді мекенінің тұрғыны облыстық жедел жәрдем стансасына 8 жастағы баланың суға батқаны туралы хабар берген, деп жазады Egemen.kz

Атырау тұрғыны Жайыққа батқан баланы құтқарды

Кейіннен бір топ баланың Жайық өзеніне шомылуға барғаны анықталған. Оның бірі судан шыға алмай қалған. Жайыққа батқан баланы сол маңнан өтіп бара жатқан жүргінші құтқарып, дәрігерлер келгенге дейін алғашқы медициналық көмек көрсеткен.

«Шақыртуға жедел медициналық жәрдемнің дәрігерлік бригадасы жіберілді. Дәрігерлер 8 минуттан кейін шақырту орнына болды. Олар келгенге дейін алғашқы көмек көрсетілген. Тексеру кезінде зардап шеккен 8 жастағы баланың суды көп мөлшерде жұтқаны анықталды. Дәрігерлер оны облыстық балалар ауруханасына жеткізді», деп мәлім етті облыстық денсаулық сақтау басқармасының баспасөз қызметінен.