Аймақтар • 12 Мамыр, 2021

Құрық теңіз портына Әзербайжаннан жаңа паром келді

25 рет көрсетілді

Құрық портына келіп жеткен Ro-Pax типті жаңа «Әзербайжан» теңіз көлігі «Алят – Құрық» бағыты бойынша алғашқы сынағын сәтті өткізді, деп хабарлайды Egemen.kz.

Көршілес мемлекеттің кемесін Құрық портының бас директоры Серік Ахметов бастаған порт әкімшілігі және Маңғыстау облысы әкімінің орынбасарлары Абзал Меңдібаев, Бекбол Орынбасаров және Ақтау, Баутин порттары теңіз әкімшілігінің басшысы Нұрбол Ерманов қарсы алды.

«Бұл – біздің порт үшін тарихи күн. Аталған паром – жаңа типтес, жаңа стандарттар бойынша құрастырылған өзгеше сипаттағы кеме. Бұған қоса, жолаушылардың қолайлылығы үшін айрықша жағдай жасалған. Бұл Әзербайжан мен Қазақстан арасындағы паромды хабарламаны дамытуға зор үлес қосады деп ойлаймын», деп атап өтті «Құрық порты» ЖШС бас директоры Серік Ахметов.

Ro-Pax типті кемелердің ұзындығы - шамамен 154,5 метр, ені - 17,7 метр және биіктігі - 7,5 метр. Экипажы 30 адам болатын кемелер 14 торап жылдамдығымен жүзе алады. «Әзербайжан» паромының бортында 40 жүк және әртүрлі жүгі бар 19 жеңіл автокөлік бар. Экипаж - 28 адам. Сондай-ақ 47 жолаушы келді.

RO-Pax типіндегі жаңа кемелер жүк көтергіштігі Каспийдегі паромдарға қарағанда үлкен және 100 жолаушыны, 56 вагон-цистернаны немесе 50 ауыр жүк көлігін тасымалдауға шамасы келеді. Құрық портын пайдалану басталғаннан бері 2 мыңнан астам кеме өңделген, 6 млн тоннадан астам жүк тиелген. Қазіргі уақытта порт арқылы қазақстандық астық, көмір, мұнай өнімдері, тыңайтқыш, химикаттар экспортталады. Импорт азық-түлік өнімдері, өнеркәсіптік жабдықтар, құрылыс материалдары және басқа да жүктен тұрады.

Соңғы жаңалықтар

Ырысты ынтымақтың ұйытқысы

Елбасы • Бүгін, 01:03

Инвестиция үшін тартымды ел

Тәуелсіздіктің 30 жылдығы • Бүгін, 00:38

Көне мұралар – халық қазынасы

Руханият • Бүгін, 00:12

Атам айтқан жарық жұлдыз

Тәуелсіздіктің 30 жылдығы • Бүгін, 00:04

Иранның таңдауы

Саясат • Кеше

Ұқсас жаңалықтар