Сарыағаш АПБ-не 2008 жылы жергілікті тұрғын өзінің танысы Өзбекстан елінен ірі көлемде ет әкеліп беремін деп, 2,5 миллион теңгесін жымқырып кеткенін айтып арызданған.
«Аталған жайтты полицейлер ҚР Қылмыстық кодексінің 190-бабы (Алаяқтық) бойынша тіркеп, іздестіру жұмыстарын жасаған. Алайда ақпарат көзінің жоқтығына байланысты қылмыскерді ұстау оңайға тимегендіктен, іздеуге қойылған. Сарыағаштық полицейлер күдіктіні анықтау мақсатында үздіксіз жұмыстыр жасады. Нәтижесінде жедел уәкілдер тобы күдікті азаматты ақпарат көздері арқылы Мәскеу қаласынан анықтап, бөлімге жеткізді. Белгілі болғандай орта жастағы күдікті азамат 10 жыл бойы Ресей Федерациясында жұмыс істеп жүрген жергілікті тұрғын екені белгілі болды», делінген Сарыағаш АПБ таратқан хабарламада.
Бүгінгі таңда айғақты зат ретінде күдіктіден ақша алынып, заңды иесіне қайтарылды. Ұсталған ер азамат қамауға алынған. Қазіргі таңда күдікті азаматқа қатысты тергеу амалдары жүргізілуде.
