![Денсаулық сақтау министрлігі коронавирус статистикасының неге өзгергенін түсіндірді](/media/2021/05/19/statistika-kvi-_-baigenews.kz.jpg)
«Біз іс-шаралар жоспарын әзірледік, қарашадан бастап еліміздің барлық жетекші мамандарымен жұмыс жүргіздік, ақпараттық жүйені талдадық. Сондай-ақ барлық егжей-тегжейлі жағдайларды есепке алу және талдау бойынша медициналық ұйымдардың жұмысы жүргізілді. Сондай-ақ Ұлттық статистика бюросы кеш тіркеудің барлық жағдайларын (қайтыс болу туралы куәліктерді) ескерді. Денсаулық сақтау министрлігі мен Ұлттық статистика бюросы барлық статистикалық деректерді салыстырып тексерді. Денсаулық сақтау министрлігінің ақпараттық жүйелерінде өлім жағдайлары бойынша барлық деректер салыстырылды, талданды, кейбір жағдайлар АХАЖ органдарында тікелей тіркелді», деді Денсаулық сақтау вице-министрі Ажар Ғиният.
Оның айтуынша, 2020 жылы коронавирустың өлім-жітімінің соңғы статистикасы 4 729 адамды құрады, оның ішінде коронавирус диагнозы расталған 1 783 пациент және коронавирустық пневмониямен ауырған 2 946 адам бар.
«Біз бүгін Денсаулық сақтау министрлігінің сайтында ауру мен өлім-жітім бойынша нақты деректерді ресми түрде жарияладық. Өткен жылы жарияланған деректер жедел түрде берілген еді. Деректер штабтың шешім қабылдауы және эпидемиямен күресу үшін қажет болды. 2021 жылдың төрт айындағы мәліметтер күн сайын Ұлттық статистика бюросымен салыстырылады», деді Ажар Ғиният.