Кино • 27 Мамыр, 2021

Сербияда «Қазақ киносының апталығы» өтіп жатыр

10 рет көрсетілді

Сербияда алғаш рет «Қазақ киносының апталығы» өтіп жатыр, деп хабарлайды Egemen.kz Сыртқы істер министрлігінің баспасөз қызметіне сілтеме жасап.

Аталған шара Қазақстан тәуелсіздігінің 30-жылдығына және екі ел арасындағы дипломатиялық қатынастардың 25-жылдығына орайластырылды.

Салтанатты рәсімді Қазақстан Елшісі Ғабит Сыздықбеков пен Қазақстанмен парламентаралық достық тобының төрағасы Оливера Неделькович ашты.

Халықтық Скупщина депутаттары, Үкімет, дипломатиялық корпус өкілдері және Қазақстанның Сербиядағы достары клубының мүшелері құрметті қонақтар ретінде қатысты.

Өз сөзінде отандық дипломат елдеріміз арасындағы достық байланыстарды нығайтуға қызмет ететін әрі қазақ халқының терең тарихы және бай мәдениетімен жақынырақ танысуға мүмкіндік беретін осындай іс-шаралардың маңыздылығын атап өтті.

Елшілік Қазақстанның Мәдениет және спорт министрлігімен және Ш. Айманов атындағы «Қазақфильм» киностудиясымен бірлесіп Белград тұрғындары мен қонақтары үшін мазмұнды бағдарлама дайындаған.

Бір апта бойы серб көрермендеріне «Жаужүрек мың бала», «Анаға апарар жол», «Аманат», «Құнанбай», «Шырақшы», «Алмас қылыш», «Қазақ хандығы. Алтын тақ», «Балуан Шолақ», «Жақсылық», «Мұзбалақ» және «Күлтегін» секілді көркем және анимациялық фильмдер ұсынылады. 

Соңғы жаңалықтар

«Жасыл» аймақта екі өңір

Коронавирус • Бүгін, 11:22

Бүгін - Аналар күні

Қазақстан • Бүгін, 11:10

Қанша қазақстандық вакцина салдырды?

Коронавирус • Бүгін, 09:16

Ұқсас жаңалықтар