Айта кетейік, өткен тәулікте Алматы облысында 97 адамнан коронавирус анықталды.
Талдықорған қаласының өзінде 29 жағдай, Іле ауданында – 13, Талғар ауданында – 11, Жамбыл ауданында – 8, Еңбекшіқазақ ауданында – 7, Ескелді ауданында – 6, Қарасай, Қаратал аудандарында 5 жағдайдан, Сарқан ауданында – 4, Ұйғыр ауданында – 3, Кербұлақ және Панфилов аудандарында 2 жағдайдан, Балқаш ауданы мен Текелі қаласында 1 жағдайдан тіркелді.
Өңір «жасыл» аймақта.
Алматы облысындағы ауруханаларда 1 382 адам ем қабылдауда, соның 43-нің жағдайы ауыр. Бір тәулікте 134 адам ауруханаларға жатқызылды. Жұқпалы аурулар стационарларындағы орындар 42,9 %-ға толған.
Өткен тәулікте облыс бойынша 465 адам коронавирус індетінен емделіп шықты.
«Соңғы 3 күнде 6 754 адамның сынамалары ПТР зертханаларда тексерілді. Науқастармен қарым-қатынаста болған 40 адам анықталып, барлығы үй карантиніне жіберілді және медицина қызметкерлерінің бақылауына алынды.
Алматы облысы бойынша коронавирусқа қарсы вакцинаның 1-ші компонентін алғандар саны – 216 319. Соның ішінде өткен күні екпе алғандар саны – 1 877. Екпенің 2-ші компонентін алғандар саны – 124 845. Соның ішінде өткен күні екпе алғандар саны – 2 558», делінген Алматы облысы әкімінің баспасөз қызметі таратқан хабарламада.
