![Нұрлан Нығматулин Т.Ошимамен келіссөз жүргізді](/media/2021/05/31/9c323569-9daa-448c-aff9-6368e1f5657a.jpg)
Екі ел арасындағы жан-жақты ынтымақтастық пен парламентаралық диалогты нығайту туралы сөз болды.
Бейнеконференция байланысы арқылы өткен кездесуде Нұрлан Нығматулин күншығыс елі Қазақстанның Азиядағы маңызды стратегиялық серіктесі екенін және оған Тұңғыш Президент – Елбасы Нұрсұлтан Назарбаевтың шешуші рөл атқарғанын атап өтті.
Сондай-ақ Мемлекет Басшысы Қасым-Жомарт Тоқаевтың Жапониямен көпсалалы ынтымақтастықты дамытуға ерекше мән беретінін айтқан Мәжіліс төрағасы отандық заңнаманы жетілдіру жөніндегі жұмыстар туралы әңгімеледі.