![Хоккейден әлем чемпионатында Қазақстан Норвегияға жол берді](/media/2021/06/01/210528151534320a3793851i.jpg)
Ойын есебі 3:1. Алғашқы кезеңде қарсыластар бір-бірін шабуылдаумен болды. Осындай сәттердің бірінде қазақстандық команда сапынан Дмитрий Шевченко мергендік танытып, алғашқы голды соқты. Екінші кезеңде де құрамалардың шабуыл шебінде жиі бой көрсеткені байқалды.
27-минутта норвегиялық Томас Валькве Ольсен көздеген нысанадан мүлт кеткен жоқ. Ойынның 41-минутында норвегиялық Стефан Эспелан өз құрамасын алға шығарды. Ал 59-минутта оның әріптесі Матис Олимб қорытынды есепті белгіледі.
Бүгін топтық кезеңдегі соңғы ойындар өтеді. Оның қорытындысы бойынша плей-офф кезеңіне жолдама алған төрт құрама анықталады. Қазақстан үшін Финляндия-Канада ойыны маңызды. Себебі Финляндия жеңіске жетсе, біздің құрама ширек финалда өнер көрсетуге мүмкіндік алады.