Облыстық полиция департаменті баспасөз қызметінің ақпаратына қарағанда, өңірде жыл басынан бері 6 бала терезеден құлаған.
«Сондай оқыс оқиғаның бірі 2 маусымға қараған түнде Атырау қаласында қайталанды. Отыз үш жастағы жалғызбасты әйел 6 жасар баласын қыдыртып, үйіне таксимен кеш келген. Баласын пәтерге кіргізіп, көліктегі қалған заттарын алуға бет алған. Анасы үйге оралғанда, баласының терезеден құлап кеткенін байқаған. Жасөспірім түрлі жарақатпен облыстық балалар ауруханасының жансақтау бөліміне жатқызылды», деп хабарлады департаменттің баспасөз қызметі.
