Жақсылық Мамырбекұлы аз уақыттың ішінде талай белесті бағындырып үлгерген. Мәселен, елімізде өткен «ЭКСПО-2017» Халықаралық көрмесінде және Атырау мен Алматы қалаларында, сондай-ақ, Ресей мемлекетінің Санкт-Петербург қаласы мен басқа шаһарларда өткен түрлі жарыстарда үздіктер қатарынан көрінген. Жуырда ғана ол Қырғыз елінің Ыстықкөл қаласында өткен Халықаралық жарыста тағы да топ жарды.
Ұлт батыры Жұманазар Сатымқұл атындағы Халықаралық жарыста жеңімпаз атанды. Аталған жарысқа әлемнің 35 мемлекетінен 4 мыңға жуық желаяқ қатысып, бақ сынаған болатын. Ал еліміздің атынан тек жерлесіміз ғана шыққан. Бұл жолы Жақсылық Мамырбекұлы 42 шақырым 195 метр қашықтықты 4 сағатта жүгіріп, мәре сызығын бірінші болып кесіп өткен. Осылайша, 67 жастағы желаяқ жеңіс тұғырынан көрінді.
Жамбыл облысы
