![Алматы жолындағы жанжал атыспен аяқталды](/media/2021/06/04/fc909179-ded6-4268-96a4-c4cc351bb20b.jpeg)
Алматы қалалық Полиция департаментінің мәліметінше, «BMW» көлігінің жүргізушісі мен «Hyundai» автокөлігінің жолаушысы арасындағы жанжал Бекмаханов-Спасская көшелерінің қиылысында болды.
«Жанжал кезінде «BMW» жүргізушісі тапаншаны алып, қарсыласына оқ атты. Мейлі, ол бұрышпен оқталған болса да, оқ атқан адамның әрекеті бұзақылық деп есептеледі. Яғни, ҚР ҚК-нің 293-бабы, 3-бөлігі, 2-тармағына жатады. Мұндай әрекет үшін 3 жылдан 7 жылға дейін бас бостандығынан айырылуы мүмкін», деді Түрксіб аудандық полиция басқармасының өкілі Мақсат Қанапьяев.
Жедел-іздестіру шаралары барысында күдікті ұсталды. Ол - 1993 жылы туған Б. есімді азамат.
Сигналдық тапанша тәркіленді және қылмыстық іс материалдарына енгізілді