ANTIKOR • 05 Маусым, 2021

ANTIKOR басшысы БҰҰ Бас Ассамблеясының 32-ші арнайы сессиясында сөз сөйледі

86 рет көрсетілді

ANTIKOR төрағасы Марат Ахметжанов БҰҰ Бас Ассамблеясының 32-ші арнайы сессиясында сыбайлас жемқорлықтың алдын алу, оған қарсы күрес және халықаралық ынтымақтастықты күшейту саласындағы сын-қатерлер мен шаралар бойынша сөз сөйледі, деп хабарлайды Egemen.kz.

БҰҰ Бас Ассамблеясының сыбайлас жемқорлыққа қарсы арнайы сессиясы алғаш рет өтуде.

Марат Ахметжановтың айтуынша, Тәуелсіздік жылдары Қазақстанда сыбайлас жемқорлыққа қарсы іс-қимыл мәселелерінде елеулі жұмыс жүргізілгенін атап өтті. Іске асырылған шаралардың арқасында Қазақстан екі жыл ішінде Дүниежүзілік Банктің сыбайлас жемқорлықты бақылау индикаторы бойынша көрсеткішін екі еседен астам жақсартты, Транспаренси Интернешнл сыбайлас жемқорлықты қабылдау индексі бойынша өсім 30 орынды құрады.

ANTIKOR басшысы өз сөзінде, сыбайлас жемқорлыққа қарсы іс-қимыл саласындағы жұмыстың тиімділігін арттыру бойынша жұмыс жалғасуда.

Мәселен, бүгінде сыбайлас жемқорлыққа қарсы бастамалар – елімізде жүргізіліп жатқан ауқымды өзгерістердің бір бөлігі. Бір жағынан, қауіпсіз қылмыстарды алғаш рет жасағандарға Заңның репрессивтілігі төмендесе, екінші жағынан, сыбайлас жемқорлықты қоса алғанда, ауыр, әлеуметтік қауіпті әрекеттер үшін жауапкершілік күшейтіледі.

Сондай-ақ, биылдан бастап қылмыстық қудалау органдары түбегейлі жаңа жағдайларда жұмыс істейді. Атап айтқанда, ЭЫДҰ елдерінің тәжірибесі бойынша қылмыстық процестің үш буынды моделі енгізілді. Жиналған дәлелдемелер прокурор тарапынан тәуелсіз бағаланады, оның келісімінсіз ешқандай негізгі іс жүргізу шешімінің заңды күші болмайды.

Қорытындылай келе, М.Ахметжанов Қазақстан сыбайлас жемқорлықты оның барлық нысандарында жою бағытын ұстанатынын және барлық мүдделі тараптармен ынтымақтастыққа дайын екенін атап өтті.

БҰҰ Бас Ассамблеясының арнайы сессиясының пленарлық отырыстарында БҰҰ-ның Сыбайлас жемқорлыққа қарсы конвенциясына мүше мемлекеттер мен ҮЕҰ өкілдерінің, сондай-ақ бас Ассамблеядағы бақылаушылардың баяндамалары күтілуде.

Іс-шара қорытындылары бойынша нақты іс-қимылға бағдарланған саяси декларацияны қабылдау жоспарлануда. Аталған құжаттың жобасында сыбайлас жемқорлыққа қарсы іс-қимылдың кешенді тәсілін қамтамасыз етуге, халықаралық қоғамдастықтың бірлескен күш-жігерін қабылдауға және парасаттылықты, ашықтық пен есептілікті ілгерілетуге ерекше назар аударылған.

Іс-шара 2-4 маусым аралығында Нью-Йорк қаласында (АҚШ) онлайн форматта өтті.

БҰҰ

Соңғы жаңалықтар

«Pfizer» вакцинасын қанша адам салдырды

Коронавирус • Бүгін, 09:32

Ұқсас жаңалықтар