Әлем • 08 Маусым, 2021

Дзюдодан әлем чемпионатының жеңімпаздары анықталды

1337 рет
көрсетілді
1 мин
оқу үшін

Будапеште өтіп жатқан дзюдошылардың әлем чемпионатының үшінші жарыс күні де аса шиеленісті айқастарға толы болды. Бүгін ерлер 73 кило және әйелдер 57 кило салмақ дәрежелері бойынша жүлделерді сарапқа салды, деп хабарлайды Egemen.kz

Дзюдодан әлем чемпионатының жеңімпаздары анықталды

Ерлердің финалдық сайысында Лондон Олимпиадасының жеңімпазы, Рио Олимпиадасының қола жүлдегері, әлем және Еуропа чемпионы, грузиялық Лаша Шавдатуашвили мен Еуропа ойындарының жеңімпазы, құрлық біріншілігінің үш дүркін жеңімпазы, швециялық Томми Масиас күш сынасты. Өте тартысты өткен бәсекенің тағдыры шидомен шешілді. Қосымша уақытта Масиас үшінші ескертуін алды. Сөйтіп, Қап тауының қыраны алтын тұғырға көтерілді. Қола медаль жапониялық Сойши Хасимото мен түркиялық Біләл Чилоғылыға бұйырды.  

Әйелдер арасындағы жарыстың бас жүлдесін жапониялық Момо Тамаоки мен канадалық Джессика Климкайт сарапқа салды. Бұл тартыс Үйеңкі жапырақтар елі өкілінің пайдасына шешілді. Косоволық Нора Гякова мен германиялық Тереза Штоль қола медальдарды мойындарына ілді. 

Естеріңізге сала кетейік, бүгін Қазақ елі намысын Жансай Смағұлов пен Аңсарбек Ғайнуллин және Севара Нышанбаева қорғады. Алайда олардың барлығы да екінші айналымнан аса алмады.

 

Соңғы жаңалықтар

Нағыз ғалым еді...

Тұлға • 13 Шілде, 2024

Аурухана жағдайымен танысты

Саясат • 13 Шілде, 2024

Әскерилерді әлеуметтік қолдау

Саясат • 13 Шілде, 2024

Базалық мөлшерлеме төмендетілді

Экономика • 13 Шілде, 2024

Көршінің наны

Қоғам • 13 Шілде, 2024