«Павлодар облысында 15 маусымнан бастап суға шомылу маусымы ашылады», деп хабарлады санитариялық-экпидемиологиялық бақылау департаментінен.
Жағажайларда шомылу әлеуметтік қашықтықты сақтауға жеткілікті орын болған кезде рұқсат етіледі. Бұл ретте жағажайлық жабдықтар (шезлонгтар, киім ауыстыратын орындар, аяқ жуатын жабдықтар және т.б.) орналастырылуы керек. Олардың сигналдық белгілері, шектеу кедергілері мен ленталары болуы маңызды.
Бұл туралы аймақтық СЭБД және төтенше жағдайлар департаментінің өкілдері, басқарманың орман шаруашылығы және су ресурстары бөлімі басшысының қатысуымен өткен брифингте айтылды.
«Демалыс аймақтарындағы жабық ғимараттарда ауаны залалсыздандыру кварц, бактерицидті лампалар көмегімен және ауаны рециркуляциялау арқылы жүзеге асырылуы тиіс. Бұл – осындай нысандардың қызмет етуінің міндетті талабы», деп қосып өтті эпидемиологтар.
