Сұхбаттасушылар екіжақты сауда-экономикалық ынтымақтастықтың өзекті мәселелерін, сондай-ақ 2021 жылы 18 маусымда Киевте өтетін Экономикалық ынтымақтастық жөніндегі қазақстандық-украиналық бірлескен мемлекетаралық комиссиясының келесі отырысына дайындық мәселелерін талқылады.
Тараптар халықаралық сауда, кооперация және инфрақұрылым саласындағы өзара іс-қимылды дамытудың елеулі әлеуеттің бар екенімен келісті.
Басым бағыттар қатарына агроөнеркәсіп кешені, инфрақұрылымдық құрылыс, көлік және коммуникация мен туризм жатады.
Бұл мәселелер Қазақстан мен Украина арасындағы ынтымақтастықтың барлық аспектілеріне серпін беру үшін нақты шешімдер әзірлеу мақсатында өткізілетін Мемлекетаралық комиссияның отырысы барысында егжей-тегжейлі талқыланатыны атап өтілді.
