Футбол • 15 Маусым, 2021

«Астана» өз алаңында ұта алмады

14 рет көрсетілді

Футболдан Қазақстан чемпионатының 15-турындағы соңғы үш бәсеке Нұр-Сұлтан, Тараз және Қызылорда қала­ларында өтті.

Елорда төрінде чемпиондық атақтан бас­ты үміткер қос команда – «Астана» мен «Тобыл» өзара күш сынасты. Алма-кезек шабуылмен өткен бәсеке барысында қонақтар есеп ашты. 29-минутта Неманья Николич қостанайлықтарды алға шығарды. Бірақ олар бұл басымдықты ұстап тұра алмады. Арада 15 минут өткеннен соң алаң иелері пенальтиден есепті теңестірді – 1:1. Бұл голдың авторы – Марин Томасов. Содан кейін есеп өзгерген жоқ. «Тараз» бен «Қайрат» арасындағы матчта алматылықтар жеңіске жетті – 0:2. Қонақтар қатарында мергендік танытқандар – Вагнер Лав (11-минут) пен Артур Шушеначев (67-минут). Ал «Қайсар» мен «Атырау» арасындағы матчта есеп ашылған жоқ – 0:0.

Жарыс кестесінде «Астана» әлі де жеке-дара көш бастап тұр. Елордалық футболшылар 35 ұпай олжалап үлгерді. Оларды «Тобыл» өкшелеп келеді. Қостанайлық клубтың қоржынында 32 ұпай бар. 27 ұпай жиған «Қайрат» үшінші орынды иеленуде.

 

 

Соңғы жаңалықтар

Шығыс «Қызыл» аймақта

Аймақтар • Кеше

Цифрлы теңге жобасы талқыланды

Экономика • 23 Шілде, 2021

Ақпараттық хабарлама

Егемен Қазақстан • 23 Шілде, 2021

Қазақстанда вакцинаның қанша қоры бар?

Коронавирус • 23 Шілде, 2021

Ұқсас жаңалықтар