Қазақстан • 15 Маусым, 2021

Kazakhstan Project Management Awards 2021 ұлттық конкурсы басталды

22 рет көрсетілді

Мемлекет басшысы өткен жылы мемлекеттік органдар қызметінің тиімділігін арттыру мақсатында олардың қызметіне жобалық тәсілді енгізу міндетін қойды. Басқа елдердің тәжірибесі бойынша Kazakhstan Project Management Awards 2021 байқауы ұйымдастырылды. Ол жыл сайын өткізіледі. Тек осы жылы ғана мемлекеттік органдардан басқа, бизнес өкілдері, сарапшылар қауымдастығы және ҮЕҰ қатысады, деп жазады Egemen.kz.

Ұлттық экономика министрлігі жобалық басқару департаментінің директоры Илона Шварцкопф Орталық коммуникациялар қызметінде өткен брифингте сөйлеген сөзінде Үкіметтің жобалық басқарудың заңнамалық негізін қалыптастыру бойынша жұмыс аяқталғанын жеткізді. Ұлттық экономика министрлігі уәкілетті орган болып белгіленді.

«Министрліктің негізгі міндеті – жобалық басқарудың ұлттық жүйесін қалыптастыру және дамыту. Жүйе мемлекеттік басқарудың үш деңгейін қамтиды: жалпыұлттық басымдықтарды іске асыру арқылы Үкімет деңгейінде портфельдерді басқару; мемлекеттік жоспарлау жүйесінің құжаттарын іске асыру арқылы мемлекеттік органдар деңгейінде бағдарламаларды басқару; жобаларды құру және қызметін ұйымдастыру арқылы жобалық командалар деңгейінде басқару. Жүйе жобалық басқарудың бірыңғай ақпараттық жүйесінде бірыңғай заңнамалық, нормативтік-құқықтық және әдіснамалық негізде жұмыс істейді, онда ұлттық даму жоспарының барлық жалпыұлттық басымдықтары бойынша жобалық командалар онлайн режимінде жұмыс істейді. Мемлекеттік органдар жұмысында жобалық тәсілді қолдану идеясы бірлескен коллаборацияға, әртүрлі мемлекеттік органдар, бизнес-қоғамдастық өкілдері, сарапшылар қоғамдастығы, белсенді азаматтар бір жобалық команда ретінде бірлесіп жұмыс істеген кезде кросс функционалды командаларды ұйымдастыруға бағытталған», деп хабарлады спикер.

Сондықтан биыл қатысушылар санаттары кеңейтілді.

Соңғы жаңалықтар

Ақпараттық хабарлама

Егемен Қазақстан • Кеше

Доллар тағы да арзандады

Экономика • Кеше

Ұқсас жаңалықтар