«Қайтыс болған әйелдің кім екені анықталып жатыр. Қылмыстық кодекстің «Адам өлтіру» 99-бабымен қарастырылған сотқа дейінгі тергеу басталды», деп хабарлады полициядағылар.
Куәгерлердің айтуынша, ер адам әйелге бірнеше рет пышақ сұғып алған, кейін өзін жарақаттаған. Сондай-ақ куәгерлер ер адамның қайтыс болған әйелдің бұрынғы күйеуі болғанын айтады.
«Полицияға оқиға туралы хабарлама сағат 18.51-де түсті, жедел жәрдем 18.53-те жетті. Оқиға орнына жеткен дәрігерлер 1988 жылы туған әйелдің жерде жатқанын көрген. Ол жедел жәрдем келгенге дейін қайтыс болған», деді денсаулық сақтау басқармасының баспасөз хатшысы Ксения Жылқыбаева.
