Жүк мысырлық Александрия портынан грузиялық Поти портына дейін теңіз арқылы жөнелтілді. Одан әрі қарай теміржолшылар жүктің жеткізілімін Транскаспийлік халықаралық көлік бағдары (ТХКБ) бойынша ұйымдастырды. Жолдағы уақыт 25 күнді құрады.
Бұдан бұрын жүктер Африка елінен ресейлік порттар арқылы жеткізіліп келген еді. «KTZ Express» АҚ бәсекеге қабілетті баға мен сапалы сервисті ұсына отырып, клиентті ТХКБ бағдарына тарта алды. Бұл атаулы оқиға Еуразия құрлығы мен Африка арасындағы халықаралық дәлізде жүк ағынын ұлғайту үшін тың мүмкіндіктер ашты.
Қазіргі кезде «KTZ Express» АҚ басшылығы мен Мысыр Араб Республикасы елшілігінің өкілдерімен аталған бағдарда жүк ағынын ұлғайту және тасымалды дамыту бойынша жұмыстар жүргізілуде. Мысырдың ірі порттары Африка елдері үшін қақпа ретінде қарастырылып отыр.
