Әлем • 18 Маусым, 2021

УЕФА Роналду мен Погбаның әрекетінен кейін мәлімдеме жасады

164 рет
көрсетілді
1 мин
оқу үшін

УЕФА Еуропа чемпионатында өнер көрсетіп жатқан ойыншылардан баспасөз конференциясында демеушілердің құтысына тиіспеуді талап етті және футболшыларды демеушілерге құрметпен қарауға шақырды, деп хабарлайды Egemen.kz Reuters сайтына сілтеме жасап.

УЕФА Роналду мен Погбаның әрекетінен кейін мәлімдеме жасады

Сондай-ақ УЕФА өкілдері турнирге қатысушыларға демеушілік шаралар турнирдің және футболды дамытудың ажырамас бөлігі екенін ескертіп, демеушілерге құрметпен қарауға шақырды.

«Демеушілік турнир үшін де, Еуропа футболы үшін де маңызды», деді Еуро-2020 турнирінің директоры Мартин Каллен.

Мартин Каллен ойыншыларға баспасөз конференциясындағы әрекеті үшін УЕФА тарапынан айыппұл салынбайтынын мәлімдеді.

Еске сала кетейік, жақында Португалия ұлттық құрамасының жұлдызы Криштиану Роналду баспасөз конференциясында демеушілер ұсынған Coca-Cola сусынын үстелден алып тастап, оның орнына су ішуге шақырды. Арада бірер күн өткенде Франция ұлттық құрамасының ойыншысы Поль Погба демеушілер ұсынған Heineken сусынын (сыра) алып тастады.  

Соңғы жаңалықтар

Су үнемдейтін қондырғы

Технология • Кеше