Оқиға • 22 Маусым, 2021

Жол апатынан аман қалған мектеп директорлары санавиациямен Ақтөбеге жеткізіледі

109 рет көрсетілді

Ақтөбеге жол апатынан аман қалған мектеп директорларын санавиация Ақтөбеге жеткізеді, деп хабарлайды Egemen.kz.

Ақпарат бойынша, № 25 мектеп пен Жаңа орта мектеп басшылары қазір Ойыл аудандық ауруханасында жатыр. Бүгін оларға санавиация ұшағы шықты. Зардап шеккендердің бірінің жағдайы ауыр.

«Біз алдымен шок жағдайынан шығаруымыз керек, науқас тасымалдауға жарамды болса оны қалаға жеткіземіз», деді Ақтөбе облыстық білім басқармасы басшысының орынбасары Бекболат Ізбасаров.

Еске салайық, №20 мектеп директоры Бағдат Орынбаева мен № 33 мектеп директоры Альмира Орақова Ақтөбе-Ойыл тасжолында 19 маусымда болған жол апатынан қаза тапты. Тағы екі мектеп директоры - №25 мектептің директоры Шолпан Баяділова және Жаңа орта мектептің директоры Ақгүл Қисықова Ойылдағы аудандық ауруханаға жеткізілген.  

Педагог әріптестерінің айтуынша, директорлар демалыс күндері Ойыл ауданындағы киелі орындарға барған, қайтар жолда апат болған.

Соңғы жаңалықтар

Шығыс «Қызыл» аймақта

Аймақтар • Кеше

Цифрлы теңге жобасы талқыланды

Экономика • 23 Шілде, 2021

Ақпараттық хабарлама

Егемен Қазақстан • 23 Шілде, 2021

Қазақстанда вакцинаның қанша қоры бар?

Коронавирус • 23 Шілде, 2021

Ұқсас жаңалықтар