Экономика • 23 Маусым, 2021

Қазақстанда жеңілдетілген автонесие беру бағдарламасы тоқтатылды

338 рет
көрсетілді
1 мин
оқу үшін

Ұлттық банк Қазақстанда жеңілдетілген автонесие беру бағдарламасы тоқтатылғанын хабарлады, деп хабарлайды Egemen.kz.

Қазақстанда жеңілдетілген автонесие беру бағдарламасы тоқтатылды

Ұлттық банк жеңілдетілген автонесие беру бағдарламасын 2019 жылдың 31 мамырында іске қосқан. Шарттарда отандық өндірістен жеңіл автокөлік сатып алатын жеке тұлғаларға 4 пайыз номинал мөлшерлемемен кредит беруі көзделген.

Бағдарламаны іске асыру үшін Ұлттық банк 2019-2020 жылдары 40 миллиард теңге, яғни жыл сайын 20 миллиард теңге бөлген.

Ұлттық банк ақпаратына сүйенсек, 2021 жылдың 27 мамырындағы жағдай бойынша барлығы 48,8 миллиард теңгеге 8 546 кредит берілген, оның ішінде 8,8 миллиард теңге бұрын берілген автокредиттерді (револьверлік тетік) өтеуден түскен қаражат есебінен сатылған.

«Сонымен қатар, Ұлттық банк басқармасының 2021 жылғы 24 мамырдағы № 56 шешімімен «Отандық өндірістің жеңіл автокөлігін сатып алушыларға кредит беру бағдарламасын бекіту туралы» қаулысының күші жойылды. Сондай-ақ, Қазақстанда дәл осындай шарттармен өндірілген жеңіл автокөлік сатып алушыларына кредит беру үшін Ұлттық банк бұрын бөлген 40 миллиард теңге сомасындағы қаражатты одан әрі пайдалану мүмкіндігі қарастырылған», деді банк өкілдері.

Соңғы жаңалықтар

Су үнемдейтін қондырғы

Технология • Кеше