Қазақстан • 23 Маусым, 2021

Кемел Тоқаев атындағы зал ашылды

736 рет
көрсетілді
3 мин
оқу үшін

Ұлттық академиялық кітапханада Екінші дүниежүзілік соғыс басталуының 80 жылдығына арналған «Лесная песня» тақырыбындағы халықаралық кітап көрмесі мен Кемел Тоқаев атындағы шығармашылық залы таныстырылды.

Кемел Тоқаев атындағы зал ашылды

«Лесная песня» атты кітап-иллюстрациялық көрмесіндегі материалдар Беларусь Респуб­ликасының Ұлттық кітапханасы мен Беларусь Ұлттық мұрағат­тарының қорларынан алынған. Сондай-ақ «Орман әндері» жазылған баннерлер мен Бе­ла­русь партизандарының қоз­ғалысы және ұйымдасқан қарулы күрестің мақсаттары туралы нақ­ты мәліметтер көрсетілді. Қол­жазба журналдары, әскери опе­рациялардың карталары мен сызбалары, партизан мек­тептеріндегі балалардың қолынан шыққан ерекше жұмыстары да қойылды.

Қазақстандық майдангер-жазушы, ақын, журналистердің саны тоқсаннан асады. Мәселен, Б.Момышұлы, Д.Снегин, Д.Әбілев, Ж.Саин, К.Тоқаев, Қ.Әб­діқадыров, В.Чугунов, М.Абдуллин, Қ.Аманжолов, А.Жұмағалиев, Б.Бұлқышев, Ж.Молдағалиев, С.Мәуленов, М.Ғабдуллин, П.Кузнецов, И.Адамбеков, А.Исмамбетов, Х.Ерғалиев, Ә.Шәріпов, Қ.Қай­сенов және басқалары бар.

Соғыс тақырыбына өлшеусіз үлес қосқан қазақстандық ав­торлардың арасында Кемел Тоқаев шығар­маларының орны ерекше. Жа­зушы Ұлы Отан со­ғысының ардагері, І және ІІ дә­режелі «Отан соғысы» ор­ден­дерінің иегері, Сталинград, Украина, Беларусь және Поль­шада өт­кен шайқастарға қа­тысқан. Көп­теген әскери оқи­ғаның тікелей қа­тысушысы ре­тінде кейіп­кер­лердің болмысын, сезімдерін дәл әрі шебер суреттей алды.

Осыған орай Ұлттық акаде­миялық кітапханада қазақ детектив жанрының көрнекті өкілі Кемел Тоқаев атындағы шығармашылық залы ашылды. Мұндағы мақсат – жастарды адалдыққа, ерлікке, отан­сүйгіштікке баулу, майдангерлерге құрмет көрсетуге, детективтік жанрдағы шығармаларды оқу­ға оқырмандардың қызы­ғу­шы­лығын ояту. Өз уақытында кітаптары жүз мың данамен оқыр­манға жол тартқан қа­лам­гердің рухани мұрасы кейінгі ұр­пақ бойындағы патриоттық сезі­мін оятуға өз септігін тигізері сөзсіз.

Залда Кемел Тоқаевтың кітаптары, әлемдік және қазақ­стандық детектив жанрындағы үздік туындылар, Ұлы Отан соғысы туралы жазылған шығар­малар, сол кезеңдегі жарияланған мақалалар, хаттар, мерзімді басылымдар, аудио-бейнематериал­дар, соғыс тақырыбындағы экспонаттар ұсынылған.

Айта кетейік, Ұлттық ака­демиялық кітапхана еліміздің белгілі ақын-жазушылары мен қоғам қайраткерлері атындағы оқу зал­дарының болуымен ерек­шеленеді. Атап айтсақ, «Абай» ака­демиялық оқу залы, «Құн­­ды тарту» залы, жазушы Әбіш Кекілбаев оқу залы, «Мыр­затай Жолдасбековтің ме­мо­риал­дық кітап коллекциясы» оқу залы, Дүкенбай Досжан атын­дағы «Жазушы» залы, академик Кеңес Нұрпейісұлының «Ғы­лым» залы, «Әкім Тарази» оқу залы, Тұр­сынбек Кәкішев атындағы «Ға­лым» оқу залы, түрколог ғалымдар Бейсенбай Кенжебаев пен Немат Келімбетов атындағы «Түркология» оқу залы, жазушы Қажығали Мұқамбетқалиұлының оқу залы, қоғам қайраткері Қуа­­ныш Сұлтанұлының жеке кі­тап­ханасынан «Рухани жаң­ғыру» залы, Балалар кітапха­насының оқу залы. Одан бас­қа Зәки Ахметов, Хамит Ерға­лиев, Халифа Алтай, Хасен Орал­тай­дың жеке кітапханалары оқыр­ман сұранысына ие.

Кездесу ТМД елдері елшілік­терінің, мемлекеттік органдар, шығармашылық зиялы қауым өкілдерінің, сондай-ақ бұқаралық ақпарат құрал­дары­ның қаты­суымен онлайн форматта өтті.

Іс-шараны Ұлттық акаде­миялық кітапхана, Беларусь Рес­­пуб­ликасының елшілігімен және Беларусь Республикасының Ұлт­тық кітапханасымен бірлесіп ұйымдастырды.

Соңғы жаңалықтар

Су үнемдейтін қондырғы

Технология • Кеше