Германияда «Еуропа-паркі ашылды». Паркке кіру үшін тек коронавирусқа теріс нәтижесі туралы анықтама болуы керек. Берлин-Бранденбургтің жоғарғы әкімшілік соты Германия астанасында демалыс күндері жоспарланған коронавирус шектеулеріне қарсы екі ірі демонстрация өткізуге тыйым салуды растады. Осыған орай, Берлин тұрғындары қаланың ең көне сыра бағы Prater-де демалуға мүмкіндік алады.
Ал Францияда музейлер мен кинотеатрлардың ашылғанына бірнеше күн болды. Франция Президенті Эммануэль Макрон пандемия кезінде мәдениет саласын қаржыландыру 11 миллиард еуродан асқанын айтты. Сондай-ақ ол республиканың барлық 18 жастағы азаматтары үшін 300 еуроға «Мәдени абонемент» енгізілгенін жеткізді.
«Біз қиын кезеңнен аман-есен шығуымыз үшін ата-аналарымызбен және достарымызбен кездесуден бас тартуымыз керек еді және бұл оңайға соқпады. Табыс көзі болған көрермендерінен айырылған мәдениет қызметкерлеріне де қиынға соқты. Бұл кезең өнерді бағалайтын отандастарымыз үшін де оңай болмады», деді Франция президенті.
Польшаның мәдени мекемелері жоспарланған мерзімнен бір апта бұрын ашылады. Кинотеатрлар мен концерт залдары көрермендерімен қайта қауышты. Тек әлеуметтік алыстату сияқты қатаң санитарлық ережелер сақталуы керек.
Испания Премьер-министрі Педро Санчес дүйсенбіден бастап британ саяхатшыларына шектеулерді алып тастайтынын мәлімдеді. Еуропалық дәрі-дәрмектер агенттігі (EMA) немесе Дүниежүзілік денсаулық сақтау ұйымы (ДДСҰ) мақұлдаған жаңа коронавирусқа қарсы дәрі-дәрмектермен егілген шетелдік туристер 7 маусымнан бастап Испанияға бара алады.
