Қазақстан • 02 Шілде, 2021

Қазақстандықтар Құран файлдарын жерсерікке орналастырды

68 рет көрсетілді

Қазақстанда тіркелген Eurasian Space Ventures (ESV) жеке компаниясы бизнестің қатысуымен әлемдік ғарыш жобаларының орталығы болуды жоспарлап отыр. Бұл кеудемсоқтық емес. Жақында ғана ESV бірден екі ғарыштық бастамасын жария етті, олар цифрлық қауіпсіздікке ғана емес, сонымен бірге білімге қол жеткізу шеңберін кеңейте алады. Екі жоба да әйгілі кәсіпкер және жаңалыққа құштар Илон Маск SpaceX Falcon 9 зымыранының бортында жүзеге асырылды.

Ғарыштағы криптобиржа

Biteeu платформасы (ESV бақылауындағы және басқаруындағы) криптовалюта алмасу бойынша әлемдегі алғашқы ғарыш биржасы болмақ. Biteeu бірлескен бағдарлама бойынша Falcon 9 бортында цифрлық қауіпсіздік инфрақұрылымын ойдағыдай іске қосты. SpaceChain жасаған ғарыштық тораптық модуль зымыранмен тасымалданатын YAM-2 жерсерігіне орнатылды. Жерсеріктерді басқару операторы loft Orbital стартапы болып табылады.

Алдағы күзде іске қосылғаннан кейін ғарыш торабы Bitcoin транзакцияларын ғарыштан мультиқолтаңба көмегімен өңдейтін болады. Бұл технология бір қолтаңбалы стандартты әдістерге қарағанда транзакцияны қауіпсіз ететін криптоәмиян мекенжайынан транзакцияны авторизациялауға арналған біреуден артық жабық кілтті талап етеді.

Цифрлық валюталардың танымалдылығы артқан сайын оларды пайдалану қауіпсіздігінің мәселесі өзекті болып келеді. "Инновациялық орталықтандырылмаған ғарыштық технологияның көмегімен біз қауіпсіздіктегі осалдықты жойып, институционалдық және бөлшек трейдерлердің өз қаражаттарын ең үздік сауда жасау тәжірибесімен басқаруға деген сенімін үнемі нығайта аламыз" -деп түсіндірді Biteeu негізін тең қалаушы және директорлар кеңесінің төрағасы Шухрат Ибрагимов. 

Аппараттық және бағдарламалық жасақтама сынақтары 2021 жылдың қараша айында аяқталады деп күтілуде. Осыдан кейін Biteeu пайдаланушылары, оның ішіндегі ТМД елдерінде, ғарышта мультиқолтаңбасы бар әмиян арқылы Bitcoin транзакцияларын авторизациялай алады. Бұл деректер мен операциялардың құпиялылығын аса қауіпсіз түрде қамтамасыз етуге мүмкіндік береді. Мұндай функцияны қосу және Biteeu-дің Bittrex арқылы бірнеше миллиондық өтімділікті бөлісуі ірі институционалды инвесторларды тартуға және транзакция көлемінің айтарлықтай өсетіндігіне иек артуға мүмкіндік береді.

Бүгінгі таңда криптобиржаның Еуропалық Одақ пен Австралияда лицензиялары бар, бірақ Biteeu әлемдік криптоқауымдастыққа ең қауіпсіз, инновациялық және сенімді сауда платформасын ұсыну мүмкіндігін іздеп жатқанын жасырмайды. Компания негізін қалаушылардың бірі және бас директоры Талғат Досановтың айтуынша, бұл жоба пайдаланушылар үшін деректерді қорғаудың жоғары деңгейін қамтамасыз ету және криптовалюта нарығындағы қауіпсіздік стандарттарын жетілдіру идеясына негізделген.

Spacebiteeu2021 промокодын пайдаланып Biteeu жобасына тіркелетін пайдаланушылар өздерінің аты мен криптовалюта әмияндары ғарыш жобасына қосылғанын және орбитадағы Biteeu ғарыш торабына қауіпсіз жолмен жіберілгенін растайтын сериялық нөмірі бар сертификатты алады.

Қайырымды Жаһан

Eurasian Space Ventures екінші ғарыштық жобасы Divine (ағылшын тілінен аударғанда "Жаратушы") қоғамдық жобасымен байланысты. Оны қазақстандық кәсіпкер Шухрат Ибрагимов негізін қалаған I am PART OF жаһандық қайырымдылық қоры іске қосқан болатын.

Divine - Қасиетті Құранның ілімдерін, "Сахих аль-Бухари" шынайы хадистер жинағын, намаз оқуды, сондай-ақ Дұғалар жинағын және басқа да тиісті материалдарды толық түсінуді қамтамасыз ететін білім беру платформасы. Сонымен қатар бұл -Қасиетті Құранды тікелей сіздің үстіңізден ұшып жүрген жерсеріктен тарату үшін ғарыштық технологияны пайдаланатын әлемдегі жалғыз жоба.

Divine үшін аудио және мультимедиалық файлдар SpaceX Falcon 9 зымыранының бортынан ғарышқа жол тартқан YAM-2 жерсерігіне жүктелді. 

"Біздің мақсатымыз - Құран және дін негіздері туралы көбірек білгісі келетін бүкіл әлемдегі адамдарға Ислам туралы сенімді және қолжетімді ақпарат ұсыну", - дейді Шухрат Ибрагимов.

Орбитада ойдағыдай іске қосылған жағдайда, осы жылдың қараша айында Құран файлдары ғарыштан Divine ресми сайты және Divine Live қосымшасы сияқты бірнеше платформаларға таратылатын болады. Айтпақшы, олардың көмегімен пайдаланушылар жерсеріктің орналасқан жерін нақты уақыт режимінде көре алады.  

Сондай-ақ мультимедиалық файлдарды бүкіл әлем бойынша интернетке қолжетімділігі шектеулі ауылдық жерлерде орналасқан арнайы құрлық станцияларында орнатылған қабылдағыштарға тарату жоспарлануда.

Пайдаланушылар Құранның қасиетті мәтініне, сондай-ақ толық аудио және мәтіндік сипаттамаларға және ілімнің әртүрлі тілдердегі түсіндірмелеріне қол жеткізе алады. ERG тау-кен металлургия корпорациясы мен Еуразиялық Банктің Директорлар кеңесіне кіретін Шухрат Ибрагимов аталған қоғамдық жобаны басқа діндерді ұстанатын адамдар үшін де дамытуға тырысатыны туралы мәлімдеді.

Заманауи ғарыштық технологиялар көмегімен біз бүкіл әлем бойынша адамдарды кеңінен қамту үшін құрлық инфрақұрылымының шектеулеріне қарсы тұрамыз, бірегей жобаларды жасап қана қоймай, әлемді ізгілендіреміз.

Eurasian Space Ventures ғарыштық жобаларды одан әрі жүзеге асыруды жоспарлап отыр. ESV және SpaceChain екі жыл ішінде ғарыштық технологиялар саласындағы ынтымақтастық пен бірлескен жобаларды одан әрі дамыту үшін Өзара түсіністік туралы меморандумға қол қоюды аяқталғаны белгілі болды.

 

Соңғы жаңалықтар

Сырдың суы төмендеп барады

Аймақтар • Бүгін, 17:27

Доллар арзандады

Қаржы • Бүгін, 16:56

Алматы маңында жер сілкінді

Аймақтар • Бүгін, 16:38

Қазақстанда ет қымбаттады

Қоғам • Бүгін, 15:10

Елімізде киік саны көбейіп келеді

Қазақстан • Бүгін, 14:41

Ұқсас жаңалықтар