![2021 жылы ҰБТ тапсырғандардың орташа балы белгілі болды](/media/2021/07/02/ubt.jpg)
Ұлттық тестілеу орталығы директорының міндетін атқарушы Наужан Дидарбекованың айтуынша, биылғы ұлттық бірыңғай тестілеудің орташа балы - 69,08. Бұл 2020 жылмен салыстырғанда 5 ұпайға жоғары.
Биыл 88 101 талапкер шекті балды жинаса, 57 187 түлек белгіленген шекті балл жинай алмаған.
«Орташа балдың өсуі мектеп бітірушілердің емтиханды екі рет тапсыру мүмкіндігіне ие болуымен байланысты деп есептейміз», деді Н.Дидарбекова.
Ол ҰБТ-ға биыл 145 288 талапкер қатысқанын, оның ішінде 65,5%-ы – қазақ, 24,3%-ы – орыс тілінде, 0,2%-ы ағылшын тілінде тапсырғанын айтты.
Биылғы сынақта 1 923 түлек 120 балдан жоғары жинаса, тек 1 талапкер ғана барлық сұраққа дұрыс жауап беріп, 140 балл алды. Өткен жылы ең жоғары балл 139 болған еді.