Бизнес • 02 Шілде, 2021

Жаңа кітаптың тұсауы кесілді

58 рет көрсетілді

«Астана» Халықаралық қаржы орталығы (АХҚО) Құқықтық-консультативтік кеңесінің Төрағасы Майкл Блэрдің «АХҚО құқығы» кітабының тұсаукесер рәсімі өтті, деп хабарлайды Egemen.kz.

Бүгін «Astana Finance Days» аясында «Астана» Халықаралық қаржы орталығының  құқықтық мәселелер жөніндегі жыл сайынғы конференциясы өтті. Шара барысында «АХҚО құқығы» кітабының ресми тұсаукесер рәсімі өтті. Кітап авторы – АХҚО Құқықтық-консультативтік кеңесінің Төрағасы, Корольдік адвокат әрі Лондон қаласындағы 3 Verulam Buildings Barristers жетекші кеңесшісі Майкл Блэр.

Кітапта қаржы орталығы құқықтық режимінің қалыптасу тарихы, орталық актілерінің негізі ретінде ағылшын құқығының таңдалуының себебі, тәжірибеде қолдануы сипатталған.

ҚР Стратегиялық жоспарлау және реформалар агенттігінің төрағасы, АХҚО Басқарушысы Қайрат Келімбетовтің айтуынша, аталған кітап – мұндай мазмұндағы алғашқы еңбек.

«АХҚО қазірдің өзінде Қазақстанға өңірлік және халықаралық инвестиция тарту, әділ және тәуелсіз сот төрелігін қолжетімді ету, сондай-ақ жалпы ел экономикасының өсуін жеделдету ісінде маңызды рөл атқарады. Кітапта осының бәрі егжей-тегжейлі жазылған», деді ол.

Тұсаукесерде АХҚО Құқық академиясының Академиялық кеңесінің мүшесі, Нұрсұлтан Назарбаев Қорының атқарушы директорының орынбасары, Қазақстан Республикасынан Еуропа Кеңесінің Венециялық комиссиясының мүшесі Игорь Рогов та пікір білдірді. Кітапты қазақстандық және шетелдік заңгерлердің қызығушылығын тудырып, АХҚО қызметімен танысқысы келетін жандар үшін тәжірибелік құралға айналатынына сенімді екенін айтты.

Айта кетейік, «Астана» халықаралық қаржы орталығы Қазақстан Республикасының Тұңғыш Президенті – Елбасы Нұрсұлтан Назарбаевтың бастамасымен «Бес институционалдық реформаны іске асыру жөніндегі 100 қадам» Ұлт жоспары шеңберінде құрылды.

Соңғы жаңалықтар

Бар жақсымыз – балаларға

Қазақстан • Кеше

Алтын қыз

Спорт • Кеше

Талант пен талап

Әдебиет • Кеше

Әдеби өмірдегі әйелдер

Руханият • Кеше

Ұқсас жаңалықтар