Аймақтар • 05 Шілде, 2021

Қызылордада бір жасқа толмаған 5 сәбиден коронавирус анықталды

365 рет көрсетілді

Қызылордада отбасы мүшелері түгелдей коронавирус жұқтырған жағдайлар кездеседі. Тіпті, олардың арасында бір жасқа толмаған сәбилер де бар, деп хабарлайды Egemen.kz.

Облыстық жұқпалы аурулар ауруханасының бас дәрігері Айна Мұхамбетованың айтуынша, емдеу орнында 120 науқас қатерлі індетке қарсы ем қабылдауда. Оның 8-і жан сақтау бөлімінде жатыр. Ал 120 науқастың 11-і бала, оның 5-і бір жасқа толмаған сәбилер. Отбасымен бірге ауруханаға жатқызылған науқастар да бар.

«Өңірде жақында Үндістанда көп кездесіп жатқан «Дельта» штамы тіркелді. Бұл науқастарда өкпе ауруларына тән емес өзге де клиникалық белгілер бар. Жаз айы болған соң, улану, ұшыну деректеріне немқұрайлы қарамау қажет. Жедел ішек ауруы секілді лоқсу, жүрек айну, іш өту, буындардың ауруы, дене қызуының түспеуі, сүйектердің сырқырауы тәрізді клиникалық белгілер анықталса, жедел медициналық көмекке жүгіну қажет. Себебі, «дельта» штамм вирусының жұғу жылдамдығы жоғары. Клиникалық белгісі 3-5 күнде анықталуда.

Ауруханаға түскен науқастарда алғашқы күндері өкпесі таза, қызуы, демікпе жоқ. Десе де 2-3 күнде ентігу пайда болып, тыныс алуы қиындайды. Сондықтан олар жедел түрде жан сақтау бөліміне жатқызылуда. Айта кету керек, былтырғы жылы аурудың жасы 60-65 жастан жоғары болса, биыл ол жасарып келеді. 40-60 жас арасында, тіпті балалар да вирус жұқтырған», дейді А. Мұхамбетова.

Оның айтуынша, ауру белгісі ең алдымен жүрекке әсер етеді. Қант диабеті, қан қысымы бар жандарда өте ауыр жағдайда өтуде.

 

 

Соңғы жаңалықтар

Бар жақсымыз – балаларға

Қазақстан • Кеше

Алтын қыз

Спорт • Кеше

Талант пен талап

Әдебиет • Кеше

Әдеби өмірдегі әйелдер

Руханият • Кеше

Ұқсас жаңалықтар