Маңызды серіктес ел

Тараптар кездесу барысында екі елдің ынты­мақ­тастығы мен парламент­аралық байланыстар бойынша өзара іс-қимылы мәсе­ле­лерін талқылады.

Сенат Спикері Сауд Ара­биясы Қазақстанның Таяу Шығыстағы маңызды серік­те­сінің бірі екенін айтты.

«Қазақстанның Тұңғыш Президенті – Елбасы Нұр­сұлтан Назарбаевтың күш-жігерінің арқасында біз­дің елдеріміз арасында өза­ра құрмет пен сенім­ге негіз­делген сауда-эко­номи­ка­лық, мәдени жә­не саяси бай­ланыстар қа­лып­тасты. Қазір­гі таңда Мем­лекет басшысы Қазақстан мен Сауд Ара­биясының ара­сын­дағы көп қырлы ынтымақ­тас­тық­ты одан әрі нығайтуға баса назар аударып отыр», деді Мәулен Әшімбаев.

Палата Төрағасы өзара парламентаралық диалогты одан әрі дамытуға да барлық мүмкіндік бар екеніне назар аударды. Ол сондай-ақ Қазақстанда өткізіліп келе жатқан Әлемдік және дәстүрлі діндер көшбасшыларының съезіне Сауд Арабиясының өкілдері белсенді қатысқаны үшін елшіге алғыс айтты және пандемиядан кейінгі кезеңде мемлекетаралық ынтымақтастыққа қарқын беру қажеттігін атап өтті.

«Біздің елдерімізді тарихи, рухани және мәдени тығыз байланыстар жақын­дас­тырады. Сауд Арабиясының экономикалық дамуы біздің көз алдымызда. Экономиканы әртараптандыруға, ден­сау­лық сақтауды, білім беруді, инфрақұрылымды және ту­ризмді дамытуға бағыт­талған «Saudi vision 2030» бағ­дар­ла­масын жеке атап өткім келеді. Біз ұқсас мәселелерді шешіп келеміз. Біздің елдері­міздегі экономикалық рефор­малардың көптеген аспек­тілері мен бағыттары да ұқ­сайды, өйткені олардың басты мақ­саты – біздің мемлекетте­ріміздегі халықтардың әл-ауқа­тын арттыру», деді Мәу­лен Әшімбаев.

Сонымен қатар Сенат Төр­ағасы «G-20» ұйымына та­бысты төрағалық етуіне орай Сауд Арабиясының Үкі­ме­тіне құттықтауын жеткізді.