Саясат • 12 Шілде, 2021

«Елбасы жылуы» іс-шарасының екінші кезеңі басталды

36 рет көрсетілді

Ел өңірлерінде «Елбасы жылуы» ауқымды қайырымдылық іс-шарасының екінші кезеңі басталды. Ол Қазақстанның Тұңғыш Президенті – Елбасы Нұрсұлтан Назарбаевтың бастамасымен ұйымдастырылған.

Іс-шараның мақсаты – аз қамтылған көпбалалы және ерекше күтімді қажет ететін балалары бар отбасыларға көмек көрсету. Оларға ұн, картоп, жеміс, күріш, қарақұмық, шай, қант, күнбағыс майы сияқты азық-түліктер, гигиеналық заттар және басқалар жеткізіп беріледі. Қайы­рымдылық акциясына іліккен әр отбасы 130 килограмға дейін тауар ала алады.

Айта кетейік, бұл іс-шара екінші рет өткізіліп отыр. Ол алғаш рет осы жылдың сәуірінде ұйымдастырылған еді. Ол кезде азық-түлік өнімдері және аса қажет басқа да тауарларды Маңғыстау, Шығыс Қазақстан, Ақмола, Солтүстік Қазақстан, Алматы және Түркістан облыстарынан 681 отбасы алған.

Бұл жолы қайырымдылық іс-шарасы Тараз, Талдықорған, Орал қалаларында, сондай-ақ Алматы және Ақмола облыстарында тұратын 1 000 отбасыны қамтиды.   

– Мұқтаж жандарға көмек көрсетуге ұмтылу – халқымызға тән қасиет. Коро­навирус пандемиясы біздің қоғам­да қайырымдылық бастамаларын жүзеге асыруға дайын жандардың көп екенін тағы бір рет көрсетті. Ондай адам­дар­дың қатарына «Дегдар» қорының қыз­меткерлерін, LIDER KZ еріктілер қозға­лысының мүшелерін жатқызуға болады. Олар Нұрсұлтан Назарбаев Қорымен бірге аймақтарда «Елбасы жылуы» іс-шарасын ұйымдастыруға көмек­тесіп жүр, – дейді Нұрсұлтан Назарбаев Қоры атқарушы директорының орынбасары Әлкей Марғұланұлы.      

Оның айтуынша, «Елбасы жылуы» – коронавирус пандемиясынан зар­­­дап шеккендерге қолдау көрсетуге ба­ғытталған бастамалардың бірі. «Тұң­ғыш Президенттің бастамасымен құ­рыл­­ған Birgemiz қорының жұмысы бары­сын­да миллиондаған жерлесіміз қар­жы­­лай да, азық-түлік түрінде де көмек алып, медициналық заттармен қам­тылды. Нұрсұлтан Назарбаев Қоры қатаң ка­ран­тиннің алғашқы күндерінен-ақ меди­циналық заттар сатып алуға, медицина қызметкерлерін қолдауға 200 миллион теңге бөлді. Содан кейін Қор емдеу меке­мелеріне коронавирус инфекциясынан қорғанатын медициналық құралдарды, өкпені жасанды тыныстандыру (ӨЖТ) аппараттарын алып берді».

«Дегдар» қорының директоры Лаура Ахметова осы іс-шара туралы былай деді: «Жобаның бірінші кезеңі оның маңызы зор екенін көрсетті. Адамдар біздің көмегімізді алғыстарын жаудыра отырып қабыл алды.

Біздің халқымыз қашанда бір-біріне қолғабыс жасау дәстүрімен мықты. Нұрсұлтан Назарбаев Қоры мен «Дегдар» қорының бастамасы еліміздегі көптеген  қайырымды жанның игі ісі арқылы жал­ғасын табады деп сенемін».

Соңғы жаңалықтар

Доллар қымбаттады

Қаржы • Бүгін, 15:55

Ұқсас жаңалықтар