«Қазақстан – жалпы осы соғыс аймақтарынан өз азаматтарын алған алғашқы мемлекеттердің бірі болды. Ал бірнеше айлар, жылдар бойы қақтығыс аймағында өмір кешкен жандар, әсіресе, балалар мен аналар көмекке зәру еді. Оны «Жусан» операциясына тікелей қатысқан әріптестеріміз өз көзімен көрді. Сондықтан кейбір көршілес мемлекеттердің азаматтары да «Біз – қазақстандықтармыз, бізді де ала кетіңіздер», деп жағдайларын айтуға тырысты, бірақ біз тек Қазақстан азаматтарын ғана алып келдік. Ол үшін тиісті жұмыстар жүргізілді. Тіпті әкесіз, анасыз қалған жетім балаларға қатысты ДНК тесттеріне дейін жүргізіп, көзіміз жеткенде ғана, яғни бұл балалар Қазақстан азаматтарынан туған балалар, Қазақстан Республикасының азаматтары екендігіне көзіміз жеткенде ғана алып келіп отырдық», дейді «Жусан» операциясы туралы Egemen Qazaqstan» газетіне пікір білдірген Ержан Ашықбаев.
