Комитет төрағасы Серік Сəпиев орынбасарын ұжымға таныстырып, Бекболат Құстүтінұлына сәттілік тіледі.
Бекболат Байжанов 1978 жылы 23 маусымда Алматы облысы, Жамбыл ауданы, Қара-қастек ауылында дүниеге келген.
1999 жылы Қазақ мемлекеттік спорт және туризм академиясын, 2004 жылы Әл-Фараби атындағы Қазақ ұлттық университетін тәмамдаған.
Еңбек жолын 2003 жылы Алматы қаласы №15 балалар және жасөспірімдердің физикалық даярлық клубының оқытушы-жаттықтырушы ретінде бастаған.
2004 жылы Степногорск қаласы, Бөгембай батыр атындағы спортта дарынды балаларға арналған облыстық мектеп-интернаттың әдіскері;
2005-2006 жылдары Степногорск қаласы Ішкі саясат бөлімінің бас маманы;
2006-2008 жылдары Қазақстан Республикасы Туризм және спорт министрлігі Спорт комитеті жазғы олимпиадалық спорт түрлері бөлімінің бас маманы;
2008-2009 жылдары Қазақстан Республикасы Туризм және спорт министрлігі Спорт комитеті жазғы олимпиадалық спорт түрлері бөлімінің бас сарапшысы;
2009-2012 жылдары ҚР Туризм және спорт министрлігі Спорт комитеті бұқаралық спорт басқармасының басшысы;
2012-2014 жылдары Спорт және дене шынықтыру істері агенттігі Дене шынықтыру департаменті директорының орынбасары;
2014-2016 жылдары Мәдениет және спорт министрлігі Спорт және дене шынықтыру істері комитеті Бұқаралық спортты және олимпиадалық емес спорт түрлерін дамыту басқармасының басшысы;
2016-2018 жылдары Маңғыстау облысының дене шынықтыру және спорт басқармасының басшысы;
2018-2019 ҚР Мәдениет және спорт министрлігінің Спорт және дене шынықтыру істері комитетінің төраға орынбасары;
2019 жылы ҚР Мәдениет және спорт министрлігі Спорт талдау және стратегиялық жоспарлау департаменті директорының орынбасарының міндетін атқарушы;
2019 жылы ҚР Мәдениет және спорт министрлігі Спорт Талдау және стратегиялық жоспарлау департаменті директорының орынбасары;
2019-2020 ҚР Мәдениет және спорт министрлігі Спорт және дене шынықтыру істері комитетінің «Велосипед спортынан олимпиадалық даярлау орталығы» РМҚК директоры;
Осыған дейін Мәдениет және спорт министрлігі Спорт және дене шынықтыру істері комитеті Нұр-Сұлтан қаласы Олимпиадалық даярлау орталығы директорының орынбасары қызметін атқарды.
