Саясат • 14 Шілде, 2021

samğau – бірлескен жастар жобасы

114 рет
көрсетілді
2 мин
оқу үшін

Ақпарат және қоғамдық даму министрлігінің «Жастар» ғылыми-зерттеу орталығы Samğau бағдарламасын жүзеге асыруға қатысады. Бағдарламаның басты бағыттары – сыни ойлауды, топта жұмыс істей білуді, креативтілікті, Қазақстан жасөспірімдері мен жастарының дағдыларын дамыту.

samğau – бірлескен жастар жобасы

Бағдарламаның бастамашылары – БҰҰ Балалар қоры (UNICEF) және Еңбек және халықты әлеуметтік қорғау министрлігі.

Samğau (Upshift) бағдар­ламасы жастардың әлеуметтік осал бөлігінің, соның ішін­де NEET санатындағы жас­тардың мүмкіндіктерін ке­ңейтуге ба­ғыт­талған. Бү­гінде жоба елі­міздің алты өңірінде Жастар ре­сурстық орталықтарының (ЖРО) негізінде жүзеге асырылуда. Сондай-ақ өмірлік маңызы бар дағдыларды оқыту бойынша 30-дан астам семинар, 2 онлайн буткамп өткізілді. Бұған қоса, бағдарлама аясында 13 команда шағын гранттар алып, өз жобаларын жүзеге асыруда.

«Жақында Қарқаралы ауда­­нының жастары арасында біздің ЖРО базасында бизнес негіздері, әлеуметтік кәсіпкерлік, тайм-менеджмент, сыни, шығар­машылық және креативті ойлау, ком­му­никативтік және көш­бас­­­­шы­лық дағдылар, топ­тық жұмыс сияқты өмірлік ма­­ңызды дағдыларға тегін оқу­ға мүм­кіндік пайда болды. Бұл Samğau UPSHIFT жо­басының арқасында мүм­кін болды. Жоба аясында ЖРО-да барлық қажетті жабдықтармен жабдықталған кабинет ашылды. Онда ерекше қажеттіліктері бар жастарға (АИВ инфекциясы және басқа да созылмалы аурулары, мү­гедектігі бар, ата-анасының қам­­қорлығынсыз қалған жас­тар) басты назар аударылатын бо­лады», деп атап өтті Қар­қа­ралы ауданының ЖРО басшысы Қобыланды Ерсайын.

Еске сала кетейік, би­ылғы 9 шілдеде АҚДМ «Жас­­тар» ғылыми-зерт­теу ор­­талығы мен БҰҰ Бала­лар Қоры (UNICEF) арасында ын­­тымақтастық туралы мемо­рандумға қол қойылған бола­тын. Оның маңызды ба­ғыты – ел өңірлерінде Samğau (Upshift) жобасын одан әрі жүзеге асыру.

«Жастар» ҒЗО директоры Аян Сакошевтың айтуын­ша, «UNICEF-пен келісім Қазақ­станның әлеуметтік осал жас­тарын қолдау бойынша күш-жігерді біріктіруге жағдай жасап, жастарға өз әлеуетін жүзеге асыруы үшін жаңа мүмкіндіктер ашады».

Меморандум шеңберінде тараптар жастар ресурстық ор­талықтарының қызметін одан әрі дамыту және жетілдіру, жас­өспірімдер мен жастардың дағ­дылары мен құзыреттерін дамы­тудың тұрақты модельдерін құру, жастар қызметкерлерін оқыту және жастар ресурстық орталықтарын кеңейту, белсенді әріптестік пен менторлық қол­дауды көтермелеу, сондай-ақ мемлекеттік жас­тар саясаты саласында зерттеу жұ­мыстарын жүргізудегі және тал­дамалық шолулардың нәти­желерімен алмасудағы ынтымақ­тастық сияқты маңызды бағыттар бо­йын­ша өзара іс-қимыл жасасып, күш-жігерді біріктіретін болады.

 

Дайындаған

Кәрібай МҰСЫРМАН,

«Еgemen Qazaqstan»

Соңғы жаңалықтар

Су үнемдейтін қондырғы

Технология • Кеше