Әлем • 15 Шілде, 2021

Мигранттар өлімі көбейді

10 рет көрсетілді

Еуропаға бет алған босқындар өлімі көбейіп барады. БҰҰ Көші-қон агенттігі биыл теңізде қай­тыс болған ми­грант­тардың саны екі есе арт­қа­нын мәлімдеді.

Көші-қон ұйымы биыл қаңтар мен маусымның арасында кем дегенде 1 146 адам қайтыс болғанын хабарлады. Оған себеп – Ливия мен Италия ара­сын­дағы Жерорта теңізіндегі қауіптің күшеюі.
Одан кейін Батыс Африка мен Испаниядағы Канар аралдары арасындағы Атлант мұхиты да мигранттар үшін қауіпті жол болып отыр. Грекияға бағыт алған босқындар да діттеген жерге жетпей, қаза тапқан көрінеді.
Адам құқықтары ұйымдары үкіметтердің бұл жайт­қа бейжай қарап, жоғалған адамдарды ізде­ме­геніне сын айтты. Дегенмен Еуропа мемлекет­тері теңіз­де жоғалғандарды іздеу тобы іске кіріс­кенін хабар­лады.
Тунис болса, биыл іздеу тобының жұмысын күшейтті. Ливия бұл қатердің алдын алу үшін жолға шыққан азаматтарын кері қай­таруға күш салып отыр. Биыл 15 000 ливиялықты кері қайтарған. Ал был­тыр елге қайтарылғандар саны 5 мың болыпты.

Соңғы жаңалықтар

Ұқсас жаңалықтар