18 шілде күні сағат 20:23-те Ақтөбе облыстық ТЖД кезекші-диспетчерлік пультіне полиция қызметкерлерінен хабарлама түсті. Қала тұрғыны «Лексус 350» маркалы жеке автокөлігінің салонына бензин құйып, есіктерін құлыптап, өз-өзіне қол салмақ болды.
«Шақырту орнына шұғыл түрде 8 адам мен 2 техника жіберілді. Оқиға орнына келген бойда өрт сөндіруші-құтқарушылар, азаматтық қорғау кіші сержанттары Т.К. Сырымбетов пен А.Р. Омаров көліктің артқы әйнегін сындырып, қалған құтқарушылар көбік шаша бастады. Осылайша жедел әрі тиянақты әрекет ету нәтижесінде 1983 жылы туған тұрғын құтқарылды», деп хабарлады облыстық ТЖД баспасөз қызметі.
