«19 шілде күні сағат 22 шамасында Алматы қаласының Бостандық ауданында 1962 жылы туған, Алматыда тұратын жүргізуші DUKE BLACK мотоциклін басқарып, Сәтпаев көшесімен батыс бағытта жүріп келіп, Республика алаңындағы № 4 ғимаратқа қарама-қарсы екі жаяу жүргіншіні - 1976 жылы туған азаматша мен 2015 жылы туған баланы қағып кетті. Олар Сәтпаев көшесінің жүріс бөлігін солтүстік бағытта дұрыс емес жерде кесіп өтті», деп түсіндірді Алматы қаласы ПД анықтау басқармасының бастығы Олжас Шәріпов.
Полиция хабарлағандай, жол апаты салдарынан әйел жансақтау бөліміне жеткізілді, бірақ алған жарақаттарынан қайтыс болды. Бала қаладағы ауруханалардың біріне реанимация бөліміне жеткізілді. Жүргізуші де түрлі дене жарақаттарымен ауруханаға жеткізілді.
Аталған факті ҚР ҚК 345-бабының 3-бөлігі бойынша сотқа дейінгі тергеудің бірыңғай тізілімінде тіркеліп, тергеу жұмыстары басталды.
